მეუფე შიო: ნებისმიერი კაცი, რომელიც ცოლს სცემს, არაკაცია და დასასჯელია

მეუფე შიო: ნებისმიერი კაცი, რომელიც ცოლს სცემს, არაკაცია და დასასჯელია

ამის შესახებ მიტროპოლიტმა შიომ (მუჯირი) მცხეთა-თბილისის ეპარქიის სამღვდელოებასა და ფსიქოლოგებთან შეხვედრაზე განაცხადა.
"აბორტი არის ნატურალური ფაშიზმი, რომელ ჩხუბზე და დაჭრაზე ვსაუბრობთ, როცა წელიწადში 40 ათასი ბავშვი იკვლება ჩვენს მიერ (არაოფიციალურად), თუ მივამატებთ ამას ქიმიურ აბორტებს ეს ადის 100 ათასზე.

ჩვენ ამას სულიერად რომ შევხედოთ, ღმერთი არასდროს მისცემს იმ ერს ბედნიერებას და გამარჯვებას, რომელიც არის საკუთარი შვილების მკვლელი.

თუ შეეხო ქმარი ცოლს, რა თქმა უნდა ეს ამაზრზენია და ნებისმიერი კაცი, რომელიც ცოლს ცემს, ის არაკაცია და დასასჯელია", აცხადებს მეუფე შიო.

საპატრიარქოს ინფორმაციით, შეხვედრა 2018 წლის 8 მარტს გაიმართა, სადაც სრულიად საქართველოს კათოლიკოს-პატრიარქმა ილია II-მ და მისი უწმიდესობის მოსაყდრემ, მიტროპოლიტმა შიომ (მუჯირი) მცხეთა-თბილისის ეპარქიის სამღვდელოება და ფსიქოლოგები მიიღეს.

შეხვედრაზე საუბარი შეეხო თანამედროვეობის პრობლემებსა და გამოწვევებს. უწმიდესობამ მოისმინა გამომსვლელთა აზრები, რა ფაქტორები განაპირობებს ახალგაზრდებში მომატებულ აგრესიას. პრობლემებს შორის დასახელდა აღზრდისა და განათლების პრობლემა, მძიმე სოციალურ-ეკონომიკური ფონი, გაუფასურებული ღირებულებები და სხვ.

კათოლიკოს-პატრიარქმა მომხსენებლებს მადლობა გადაუხადა და გამოთქვა იმედი, რომ სამღვდელოებისა და ფსიქოლოგების გააქტიურებული შრომა დადებით შედეგს გამოიღებს.

ფსიქოლოგებთან შეხვედრის ჩანაწერს "რუსთავი 2" საპატრიარქოს ტელევიზია "ერთსულოვნებაზე" დაყრდნობით ავრცელებს

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები