სუფრის ყურძენი და ფსტა - "დანერგე მომავალი"-ს 2 ახალი კომპონენტი დაემატა

სუფრის ყურძენი და ფსტა - "დანერგე მომავალი"-ს 2 ახალი კომპონენტი დაემატა

პროექტ "დანერგე მომავალი"-ს 2 ახალი კომპონენტი დაემატა - სუფრის ყურძენი და ფსტა. ამის შესახებ პრემიერმინისტრმა გიორგი კვირიკაშვილმა მთავრობის დღევანდელ სხდომაზე განაცხადა. პრემიერის განმარტებით, აღნიშნული პროექტის ფარგლებში სახელმწიფო ნერგების საფასურის 70%-ს აფინანსებს, წვეთოვან სარწყავ სისტემაზე კი 50%-იანი გრანტია გათვალისწინებული.
პრემიერმა აგრეთვე აღნიშნა, რომ სახელმწიფო პროექტი "დანერგე მომავალი" სამი წელია ხორციელდება, რომელიც ხელს უწყობს მაღალპროდუქტიული სახილე ჯიშების განვითარებას ქვეყანაში. პროექტის ფარგლებში საქართველოში 4 ათას 700 ჰა.ზე ახალი ბაღები გაშენდა.

"ეს არის უდიდესი შესაძლებლობა თითოეული ადამიანისთვის, რომელიც სოფლის მეურნეობაშია ჩართული და ამ მიმართულებით ჩვენ ვამატებთ 2 ახალ კულტურას, ეს გახლავთ სუფრის ყურძნის წარმოება, ეს არ არის ღვინისთვის განკუთვნილი ჯიშები, ასევე ფსტას კულტურა, რომელზეც ძალიან დიდი მოთხოვნაა დღეს მსოფლიო ბაზრებზე. საქართველოში არის ფსტას წარმოების ძალიან კარგი შესაძლებლობა.

სუფრის ყურძენი, სამწუხაროდ ქვეყანაში, რომელიც არის უძველესი ღვინის კულტურის ქვეყანა, დღეს თითქმის მთლიანად იმპორტით შემოდის. მხოლოდ ბოლო პერიოდში დაიწყო სუფრის ყურძნის ჯიშების წარმოება. ჩვენ ნამდვილად ვფიქრობთ, რომ ამ მიმართულებით თანადაფინანსება იქნება ძალიან მნიშვნელოვანი ქვეყანაში იმპორტის ჩანაცვლების მიმართულებით და რა თქმა უნდა, ადგილობრივი სასოფლო-სამეურნეო პოტენციალის განსავითარებლად", - აღნიშნა გიორგი კვირიკაშვილმა.

ვოლსკი ქუმსიშვილისა და ალავიძის პროკურატურაში დაბარებაზე: კითხვებს პასუხები ყველამ უნდა გასცეს

ვოლსკი ქუმსიშვილისა და ალავიძის პროკურატურაში დაბარებაზე: კითხვებს პასუხები ყველამ უნდა გასცეს

17 ივლისი, 2018

"აიპრესთან" საუბრისას ასე შეაფასა პარლამენტის ვიცე-სპიკერმა, გია ვოლსკიმ, რეგიონების განვითარებისა და ინფრატსრუქტურის ყოფილი მინისტრის ზურაბ ალავიძისა და ეკონომიკისა და მდგრადი განვითარების ყოფილი მინისტრის, დიმიტრი ქუმსიშვილის...

ახალი სტატიები
პოპულარული სტატიები