კვაჭანტირაძე: საზმაუს ბორდში ია მამალაძის წარდგენა კანდიდატად, ძალიან საინტერესო ნაბიჯი იქნება

კვაჭანტირაძე: საზმაუს ბორდში ია მამალაძის წარდგენა კანდიდატად, ძალიან საინტერესო ნაბიჯი იქნება

"საზოგადოებრივი მაუწყებლის ბორდში ია მამალაძის წარდგენა კანდიდატად, ძალიან საინტერესო ნაბიჯი იქნება. ქართულ მედია სივრცეში იას ძალიან ბევრი იცნობს და არა მხოლოდ როგორც “გურია ნიუსის” დამფუძნებელს, არამედ, როგორც ჟურნალისტს, რომელმაც სახელი გაუთქვა რეგიონალური მედიის ასოციაციას", - ამის შესახებ საპარლამენტო უმრავლესობის წევრი ზვიად კვაჭანტირაძე სოციალურ ქსელში წერს. 

"ია მამალაძის დიდი დამსახურებაა, რომ საქართველოში დღეს რეგიონალური მედია სერიოზულ კონკურენციას უწევს უფრო დიდ, ნაციონალური მასშტაბის მედიასაშუალებებს. იას პროფესიონალიზმსა და მიუკერძოებლობაში ეჭვი არ მეპარებოდა არასდროს და ამისთვის იმ გასულ წლებშიც მითქვამს მისთვის მადლობა და ეს მას კარგად ახსოვს. ჩემი კოლეგებიც და მეგობრებიც ასევე კარგად იცნობენ იას, როგორც პოლიტიკურ ასევე ჟურნალისტურ წრეებში. ამიტომაც, ძალიან საინტერესო და რაც მთავარია, ძალიან პროდუქტიული იქნებოდა მისი ხილვა საზოგადოებრივი მაუწყებლის სამეთვალყურეო საბჭოში. ღიად ვაცხადებ, რომ მე მას კვლავაც დავუჭერდი მხარს.
წარმატებები ია მამალაძეს!", - წერს ზვიად კვაჭანტირაძე facebook-ში.

ირაკლი კობახიძე ვენეციის კომისიის დელეგაციას შეხვდა

ირაკლი კობახიძე ვენეციის კომისიის დელეგაციას შეხვდა

15 თებერვალი, 2018

„ძალიან პოზიტიურად აღქმული და მიღებული, რომ ის რეკომენდაციები, რომლებიც ვენეციის კომისიამ გაგვიზიარა, ფაქტობრივად, სრულად არის გათვალისწინებული და საბოლოო ცვლილებებში აისახება“,- ამის შესახებ ჟურნალისტებს საქართველოს პარლამენტის...

ახალი სტატიები
პოპულარული სტატიები