კალაძე: ელექტროენერგიაზე ტარიფების ზრდა რომ ავიცილოთ, ადგილობრივი რესურსები უნდა ავითვისოთ

კალაძე: ელექტროენერგიაზე ტარიფების ზრდა რომ ავიცილოთ, ადგილობრივი რესურსები უნდა ავითვისოთ

ენერგეტიკის მინისტრობის კანდიდატის კახა კალაძის განცხადებით, ადგილობრივი ენერგორესურსების რაციონალური ათვისების გზით, ხელისუფლება ქვეყნის იმპორტზე დამოკიდებულების შემცირებას უზრუნველყოფს.
მისი შეფასებით, საქართველო ბუნებრივი რესურსებით ძალიან მდიდარია, გააჩნია ენერგეტიკული პოტენციალი, თუმცა ამ ეტაზე ამ რესურსების მხოლოდ 20 %-ია ათვისებული. „ჩვენ ყველაფერი უნდა გავაკეთოთ, რომ უახლოეს მომავალში ჩვენი ქვეყანა ელექტროენერგიის თვალსაზრისით არ იყოს დამოკიდებული ჩვენს მეზობელ ქვეყნებზე, რადგან რაც უფრო მეტი ელექტროენერგია შემოგვაქვს მეზობელი ქვეყნებიდან, ეს ყველაფერი აისახება თითოეული ჩვენი მოქალაქის ჯიბეზე, რადგან გვიწევს ტარიფების გაზრდა, ეს რომ თავიდან ავიცილოთ, მაქსიმალურად ყველაფერი უნდა გავაკეთოთ იმისთვის, რომ ადგილობრივი რესურსები იყოს ათვისებული“, - აღნიშნა კახი კალაძემ. კალაძის ინფორმაციით, ენერგეტიკის სექტორში დაახლოებით 3 მილიარდის ინვესტიცია განხორციელდება. „განვითარდება ინფრასტრუქტურა, ამას დიდი ყურადღება უნდა მივაქციოთ, რადგან როდესაც ამდენი პროექტი ხორციელდება, როგორიცაა ჰიდროელექტროსადგური, თბოელექტროსადგური, ქარის სადგურები, მნიშვნელოვანია ინფრასტრუქტურა მოწესრიგებული იყოს და ელექტროენერგიის მიწოდება მოვახერხოთ უსაფრთხოდ“,- განაცხადა კალაძემ.
ვოლსკი ქუმსიშვილისა და ალავიძის პროკურატურაში დაბარებაზე: კითხვებს პასუხები ყველამ უნდა გასცეს

ვოლსკი ქუმსიშვილისა და ალავიძის პროკურატურაში დაბარებაზე: კითხვებს პასუხები ყველამ უნდა გასცეს

17 ივლისი, 2018

"აიპრესთან" საუბრისას ასე შეაფასა პარლამენტის ვიცე-სპიკერმა, გია ვოლსკიმ, რეგიონების განვითარებისა და ინფრატსრუქტურის ყოფილი მინისტრის ზურაბ ალავიძისა და ეკონომიკისა და მდგრადი განვითარების ყოფილი მინისტრის, დიმიტრი ქუმსიშვილის...

ახალი სტატიები