თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

 

თავდაცვის სამინისტროს საზოგადოებასთან ურთიერთობის სამსახურის უფროსი თამარ გორთამაშვილი, აკა სინჯიკაშვილის მიერ სოციალურ ქსელში გავრცელებულ ინფორმაციასთან დაკავშირებით, განცხადებას ავრცელებს:

"მოქალაქე აკა სინჯიკაშვილის მიერ, სოციალურ ქსელში გავრცელებული ინფორმაცია, რომ აგვისტოს მოვლენების დროს გარდაცვლილი სამხედრო მოსამსახურის დედა მოწყალებას ითხოვს, სიმართლეს არ შეესაბამება! 
 აკა სინჯიკაშვილის მიერ დასახელებული პირი, ლევან თეთვაძე არ გახლავთ 2008 წლის აგვისტოს ომში გარდაცვლილი სამხედრო მოსამსახურე.

აღნიშნული სახელის და გვარის პიროვნება თავდაცვის სამინისტროს ბაზაში საერთოდ არ ფიქსირდება, შესაბამისად ის საქართველოს შეიარაღებულ ძალებში არასოდეს მსახურობდა. 

საქართველოს ერთიანობისა და დამოუკიდებლობისთვის ბრძოლებსა და საერთაშორისო მისიებში დაღუპული სამხედრო მოსამსახურეების ოჯახები, საქართველოს თავდაცვის სამინისტროსგან ყოველთვიურ კომპენსაციას იღებენ, რომელიც 1000 ლარით განისაზღვრება" - აცხადებს თამარ გორთამაშვილი.

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები
პოპულარული სტატიები