პრემიერი: ზოგიერთ ბაზარზე ჩვენი მეწარმეები ერთმანეთთან არაპროდუქტიულ კონკურენციაში არიან

პრემიერი: ზოგიერთ ბაზარზე ჩვენი მეწარმეები ერთმანეთთან არაპროდუქტიულ კონკურენციაში არიან

დადებითად აფასებს საქართველოს პრემიერმინისტრი, გიორგი კვირიკაშვილი 2017 წლის ეკონომიკურ მდგომარეობას. კერძოდ, მან მთავრობის სხდომის დაწყებამდე ღვინის ექპორტზე ისაუბრა და განმარტა, რომ წინა წელთან შედარებით მაჩვენებლები საგრძნობლად არის გაზრდილი.

"ჩვენ გვაქვს ღვინის ექსპორტის ძალიან მნიშვნელოვანი მაჩვენებლები. ეს წელი საკმაოდ დადებითი სტატისტიკური მაჩვენებლებით დავიწყეთ. თითქმის 5%-იანი ეკონომიკური ზრდა პირველ კვარტალში. პირველი კვარტლის მონაცემებით გვაქვს 85%-იანი ზრდა ღვინის ექპსორტში. ეს არის ბოთლების მიხედვით, ანუ რაოდენობრივი მაჩვენებლით 14 200 000 ბოთლის ექპორტი განხორცეილდა.

განსაკუთრებით გვახარებს, რომ ბაზრებზე დივერსიფიკაცია იზრდება ეს არის არა მხოლოდ საქართველოს სამეზობლოში არსებული ქვეყნები, არამედ ევროკავშირისა და ჩინეთის ბაზარი, რომელიც ძალიან მზარდია. ეს კიდევ ერთხელ მიუთითებს ჩვენი ქვეყნის საექსპორტო პოტენციალის უდიდეს მნიშვნელობას საქართველოსთვის",-აღნიშნა პრემიერმა.

მან აქვე სოფლის მეურნეობის სამინისტროს გაწეული მუშაობისთვის მადლობა გადაუხადა.

გიორგი კვირიკაშვილმა ღვინის ექსპორტზე საუბრისას ასევე აღნიშნა, რომ ზოგიერთ ბაზარზე ჩვენი მეწარმეები ერთმანეთთან არაპროდუქტიულ კონკურენციაში არიან

მან ღვინის სააგენტოს მეტი კოორდინაციისკენ მოუწოდა.

"მინდა გთხოვოთ, რომ ღვინის ექსპორტის მიმართულებით კიდევ უფრო მეტი კოორდინაცია იყოს იმიტომ, რომ, სამწუხაროდ, ზოგიერთ ბაზარზე ჩვენი მეწარმეები ერთმანეთთან არაპროდუქტიულ კონკურენციაში არიან.

მინდა, ამ თვალსაზრისით ღვინის სააგენტოს მხრიდან მეტი ჩართულობა და კოორდინაცია იყოს",- აღნიშნა პრემიერმა.

პრემიერი: გამოძიების დასრულებამდე შახტი დაიხურება, ამ პერიოდში მეშახტეები ხელფასს აიღებენ

პრემიერი: გამოძიების დასრულებამდე შახტი დაიხურება, ამ პერიოდში მეშახტეები ხელფასს აიღებენ

16 ივლისი, 2018

ამის შესახებ განცხადებას პრემიერმინისტრი მამუკა ბახტაძე ავრცელებს. "მინდელის სახელობის შახტში დღეს დილით მორიგი ტრაგედია დატრიალდა. მთელი გულით ვუსამძიმრებ დაღუპულთა ოჯახებს და თანადგომას ვუცხადებ ამ მძიმე წუთებში. სახელმწიფო ვერ...

ახალი სტატიები