ხიდისთავსა და მეჯვრისხევში დევნილებს საწოლები ჩაუტანეს

ხიდისთავსა და მეჯვრისხევში დევნილებს საწოლები ჩაუტანეს

სოზარ სუბარმა შიდა ქართლის რეგიონში დევნილი ოჯახებისთვის შესყიდული სახლები მოინახულა საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა და შიდა ქართლის გუბერნატორმა კახა სამხარაძემ გორის მუნიციპალიტეტის სოფლებში დევნილი ოჯახებისთვის შესყიდული სახლები მოინახულეს.

სამინისტრომ შიდა ქართლის რეგიონში კერძო სახლი, საკარმიდამო მიწის ნაკვეთით, 86 დევნილ ოჯახს შეუსყიდა. დევნილთა და განსახლების მინისტრმა სოზარ სუბარმა გორის რაიონის სოფლებში ხიდისთავსა და მეჯვრისხევში დევნილ ოჯახებს საწოლები ჩაუტანა.

როგორც ლტოლვილთა სამინისტროდან იუწყებიან, მიუხედავად იმისა, რომ მეჯვრისხევი ე.წ საზღვართან მდებარეობს, მოდებაძეების ოჯახმა ამ სოფელში ცხოვრება საკუთარი სურვილით აირჩია.

„სოფლად სახლის“ პროექტის ფარგლებში, დევნილი ოჯახი თავად არჩევს კერძო სახლს საქართველოს ნებისმიერ რეგიონში. სახლებს თან ახლავს მიწის ნაკვეთები, რაც დევნილი ოჯახებისთვის შემოსავლის დამატებით წყაროს წარმოადგენს. 2013 წლიდან დღემდე, დევნილთა და განსახლების სამინისტრომ, საქართველოს მასშტაბით, სახლი უკვე 1 500-ზე მეტ ოჯახს შეუსყიდა.

მესტიის მერი კაპიტონ ჟორჟოლიანი: ნენსკრა ჰესის პროექტი სვანეთის განვითარებაში უდიდეს როლს ითამაშებს

მესტიის მერი კაპიტონ ჟორჟოლიანი: ნენსკრა ჰესის პროექტი სვანეთის განვითარებაში უდიდეს როლს ითამაშებს

27 აგვისტო, 2018

რამდენიმე დღის წინ მესტიაში ნენსკრას ჰიდროელექტროსადგურის პროექტის განმახორციელებელ კომპანია სს „ნენსკრა ჰიდროსა“ და მესტიის მუნიციპალიტეტის მერიას შორის ურთიერთთანამშრომლობის მემორანდუმი გაფორმდა. ხელშეკრულების ფარგლებში...

ახალი სტატიები
პოპულარული სტატიები