გიორგი კვირიკაშვილი გერმანიის ეკონომიკური თანამშრომლობის და განვითარების მინისტრს შეხვდა

გიორგი კვირიკაშვილი გერმანიის ეკონომიკური თანამშრომლობის და განვითარების მინისტრს შეხვდა
15 / 05 / 2017 13:42

საქართველოს პრემიერ-მინისტრი გიორგი კვირიკაშვილი გერმანიის ეკონომიკური თანამშრომლობისა და განვითარების ფედერალურ მინისტრს გერდ მიულერს შეხვდა.

შეხვედრისას საუბარი შეეხო საქართველო-გერმანიის თანამშრომლობას, რომელიც დინამიკურად ვითარდება და მრავალ განზომილებას მოიცავს.
გერმანიის ეკონომიკური თანამშრომლობისა და განვითარების ფედერალურმა მინისტრმა სრული მხარდაჭერა გამოუცხადა საქართველოს მთავრობის რეფორმების ოთხპუნქტიან გეგმას, რომლის დეტალები მას პრემიერ-მინისტრმა გააცნო. გერდ მიულერმა საქართველოში პროფესიული განათლების სისტემის განვითარების მხარდაჭერის გაძლიერების მზადყოფნა გამოთქვა. ფედერალური მინისტრი ასევე გამოვიდა ინიციატივით, გერმანიაში ჩატარდეს ერთობლივი საინვესტიციო ფორუმი, რომელიც გერმანელ ინვესტორებს საქართველოს საინვესტიციო შესაძლებლობების უკეთ გაცნობის შესაძლებლობას მისცემს.

შეხვედრისას საუბარი შეეხო გერმანიასთან განვითარების სფეროში აქტიური თანამშრომლობის გაგრძელებას, რაც მოიცავს პროექტებს არაერთი მნიშვნელოვანი მიმართულებით.

გიორგი კვირიკაშვილმა გერმანიას მადლობა გადაუხადა განვითარების სფეროში GIZ-ისა და KfW-ს პროექტების მეშვეობით გაწეული დახმარებისთვის.
პრემიერ-მინისტრმა ხაზგასმით აღნიშნა გერმანიის წვლილი საქართველოს მოქალაქეებისთვის ევროკავშირთან უვიზო მიმოსვლის შემოღებაში და განაცხადა, რომ საქართველოს მთავრობა აფასებს ფედერაციული რესპუბლიკის ურყევ მხარდაჭერას საქართველოს ევროპული და ევროატლანტიკური ინტეგრაციის, ასევე - ტერიტორიული მთლიანობისა და სუვერენიტეტისადმი.

გიორგი კვირიკაშვილის განაცხადებით, სასიხარულოა, რომ ფედერალური მინისტრის სტუმრობა საქართველოში პირველი გერმანული დასახლების 200 წლისა და ორ ქვეყანას შორის დიპლომატიური ურთიერთობების დამყარების 25 წლისთავს დაემთხვა. მხარეებმა ასევე ისაუბრეს საქართველო-გერმანიის წლის აღსანიშნავ ღონისძიებებსა და 2018 წლის ფრანკფურტის წიგნის საერთაშორისო ბაზრობის სამზადისზე, რომელშიც საქართველოს საპატიო სტუმრის სტატუსით მიიღებს მონაწილეობას.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა