მარიამ ჩიქობავა: მომავალი წელს, მე-3 კლასიდან ბავშვები "მე და საზოგადოებას" ისწავლიან

მარიამ ჩიქობავა: მომავალი წელს, მე-3 კლასიდან ბავშვები "მე და საზოგადოებას" ისწავლიან
20 / 05 / 2017 17:27

"განათლება ერთადერთი გზაა ნამდვილად ასეთი ტიპის პრობლემების დასაძლევად და ზოგადად ძალადობის წინააღმდეგ საბრძოლველად",-ამის შესახებ გადაცემა რეალურ სივრცეში ეროვნული სასწავლო გეგმების სამმართველოს უფროსმა მარიამ ჩიქობავამ ჰომოფიბიასთან ბრძოლის გზებზე საუბრისას განაცხადა. მისივე თქმით, სამინისტრო ამ მიმართულებით გარკვეულ ნაბიჯებს დგამს. 

"სამართლებრივ დონეზე შეიძლება ითქვას ეს საკითხი მოწესრიგებულია, იმიტომ რომ კანონი ზოგადი, უმაღლესი განათლების შესახებ, მასწავლებლის ეთიკის კოდექსი, ეროვნული სასწავლო გეგმა შეიძლება ითქვას გაჯერებულია ანტიდისკრიმინაციული ელემენტებით, თუმცა მეორეა რა ხდება რეალობაში. 

სკოლა არის ამ საზოგადოების ნაწილი და ვერ იქნება მართლა მოწყვეტილი და დაახლოებით იგივე სიტუაციაა, რაც საზოგადოებაში, ძალადობა არის მართლაც პრობლემა, მაგრამ აქ მთავარია გადაიდგას პერმანენტული, მუდმივი ნაბიჯები ამ მიმართულებით. მნიშვნელოვანი პედაგოგების როლი, ხშირად მართლაც ხდება, რომ პედაგოგები ხდებიან მოძალადეები გაუცნობიერებლად, აქ ფიზიკურ ძალადობაზე არაა საუბარი...

სწორად ახლა მთავრდება მთელი ციკლი გადამზადების, მანდატურის სამსახურის ფსიქოლოგიური ცენტრი ამზადებს პედაგოგებს ამ ნიშნით, ჰომოფობიას არ ვგულისმობ ამ შემთხვევაში, ზოგადად ძალადობის თემა და ბულინგი სკოლებში ტრიალებს ეს თემა. ფაქტიურად ყველა სკოლასთან მოხდა შეხება და ძალადობის პრევენციაზე პასუხისმგებელი პირი გამოიყო. 

პრევენციის თვალსაზრისითაც ძალიან მნიშნელოვანია განათლების როლი,ამ მხრივ შეიძლება ითქვას, სამოქალაქო განათლებას აქვს გადამწყვეტი როლი. ეს დიდი ხანი არაა რაც შემოსულია, 10 წელს ითვლის, თავიდან ძალიან არასერიოზული მიდგომა იყო. ახლა მე-9 და მე-10 კლასებში ისწავლება, რაც ვთვლით, რომ ძალიან არასაკმარისია, ეს უნდა იყოს დაწყებითი საფეხურიდანვე, მომავალი სასწავლო წლის გეგმა რომელიც მომავალი წლიდან დაინერგება,მე-3 კლასიდან დაიწყებს უკვე, ასეთი საგანი შემოდის "მე და საზოგადოება", სადაც ანტიძალადობრივი კომპონენტია შესული, სხვისი უფლებების პატივისცემა, განსხვავებლობის მიუღებლობა, ჰომოფობია ასეთი ტერმინი ან გენდერი არ არის ნახსენები იქ, მაგრამ ძალიან მნიშვნელოვანია რომ სხვის პიროვენებას სცე პატივი, მისი თავისუფლება არ შეზღუდო, რომ არსებობენ ზოგადად განსხვავებული ადამიანები სხვადსხვა ნიშნით, ზოგადად, ჩვენ არ ვართ ერთნაირები და უნდა ვცეთ სხვა ადამიანს პატივი, მე და საზოგადოება მესამე კლასიდან დაწყებული, მეთერთმეტე კლასის ჩათვლით უკვე უწყვეტი ხაზით იქნება წარმოდგენილი და აქ წამყვანი ხაზი აქვს ადამიანის უფლბების დაცვას",-განაცხადა მარიამ ჩიქობავამ. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება