გზების მიმდებარედ ხეების მოჭრის ნებართვა შესაძლოა საავტომობილო გზების დეპარტამენტმა გასცეს

გზების მიმდებარედ ხეების მოჭრის ნებართვა შესაძლოა საავტომობილო გზების დეპარტამენტმა გასცეს

საერთაშორისო და შიდასახელმწიფოებრივი მნიშვნელობის გზების მიმდებარედ, გზის ღერძიდან ორივე მხარეს არაუმეტეს 15 მეტრში ხეების მოჭრისა და მერქნიანი მცენარეების ვარჯის ფორმირებაზე ნებართვის გაცემის უფლებამოსილება შესაძლოა საავტომობილო გზების დეპარტამენტს მიენიჭოს. დეპარტამენტი ნებართვას მხოლოდ მუნიციპალიტეტის ან კერძო საკუთრებაში არსებულ, ასევე სახელმწიფო ტყის ფონდიდან ამორიცხულ და დაცულ ტერიტორიებზე მდებარე ხეებზე ვერ გასცემს. მიღებული მერქნული რესურსი დასაწყობდება ეროვნული სატყეო სააგენტოს მიერ მითითებულ ტერიტორიაზე.

ცვლილებას „საავტომობილო გზების შესახებ“ კანონი ითვალისწინებს, რომლის ინიციატორი საქართველოს მთავრობაა.

„საერთაშორისო და შიდასახელმწიფოებრივი მნიშვნელობის გზების ღერძიდან 15-მეტრიანი მონაკვეთი არის მაქსიმალური მანძილი, სადაც ხე-მცენარეებით დაკავებულ ტერიტორიაზე, საგზაო მოძრაობის უსაფრთხოებიდან გამომდინარე, შესაძლებელია აუცილებელი გახდეს ხეების მოჭრისა და მერქნიანი მცენარეების ვარჯის ფორმირების სამუშაოების წარმოება.

საერთაშორისო და შიდასახელმწიფოებრივი მნიშვნელობის საავტომობილო გზის სავალ ნაწილზე ხშირია ხმელი ხეების და ტოტების ჩამოვარდნის შემთხვევები, რაც საფრთხეს უქმნის ავტოსატრანსპორტო საშუალებაა უსაფრთხო გადაადგილებას და ზრდის საგზაო-სატრანსპორტო შემთხვევების რისკს.

ამასთან,გზებზე მძღოლების ორიენტირებისა და შესაბამისად, უსაფრთხო გადაადგილებისთვის მოწყობილია სხვადასხვა დანიშნულების საგზაო ნიშნები, რომლებიც ხშირად იფარება ხის ტოტებით და აუცილებელია მერქნიანი მცენარეების ვარჯის ფორმირების სამუშაოების ჩატარება, იმისათვის, რომ საგზაო ნიშნები აღქმადი იყოს მძღოლებისათვის", - აღნიშნულია განმარტებით ბარათში. 

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები