ქეთევან ციხელაშვილი: საოკუპაციო ძალის ქმედებები არა მარტო საქართველოს, რეგიონის გამოწვევაა

ქეთევან ციხელაშვილი: საოკუპაციო ძალის ქმედებები არა მარტო საქართველოს, რეგიონის გამოწვევაა

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი სამუშაო ვიზიტით გერმანიაში იმყოფება. ქეთევან ციხელაშვილმა გერმანიის ფედერაციული რესპუბლიკის საგარეო საქმეთა სამინისტროსა და კანცლერის აპარატის წარმომადგენლებთან გამართა შეხვედრები.

სახელმწიფო მინისტრმა გერმანიის ოფიციალურ პირებს ინფორმაცია მიაწოდა საქართველოს ოკუპირებულ ტერიტორიებზე და გამყოფ ხაზებზე არსებული მდგომარეობის, განგრძობადი ოკუპაციიდან მომდინარე გამოწვევების, საქართველოს მთავრობის სამშვიდობო პოლიტიკის პრიორიტეტების შესახებ. შეხვედრების ერთ-ერთი მთავარი საკითხი გამყოფ ხაზზე საოკუპაციო ძალის მიერ მავთულხლართებისა და სხვა ხელოვნური ბარიერების, მათ შორის ბოლო დღეების განმავლობაში ბანერების დადგმაა.

„ბანერები და მავთულხლართები არის ხელშესახები ნაწილი და გაგრძელება ოკუპაციისა. ხელოვნური ბარიერების აღმართვა საქართველოს ტერიტორიაზე ჯერ კიდევ 2009 წელს დაიწყო. საოკუპაციო ძალის ქმედებები არის გამოწვევა უსაფრთხოების კუთხით არა მხოლოდ საქართველოსთვის, არამედ მთლიანად რეგიონისთვის, ამასთან, ამძიმებს და ართულებს ადგილობრივი მოსახლეობის ჰუმანიტარულ მდგომარეობას.

ამ ხასიათის პროვოკაციებზე ჩვენი პასუხი, ერთის მხრივ, არის სამშვიდობო, პრაგმატული პოლიტიკა, რომლის ერთ-ერთი ძირითადი მიმართულება და ამოცანა კონფლიქტით დაზარალებული მოსახლეობის მდგომარეობის გაუმჯობესება და შემსუბუქებაა. საოკუპაციო ძალის მხრიდან პროვოკაციების პრევენციის, ასევე დაზარალებულ მოსახლეობაზე ზრუნვის მიმართულებით, განსაკუთრებული მნიშვნელობა აქვს საერთაშორისო თანამეგობრობის და პარტნიორების მხარდაჭერას და ჩვენ აქტიურად და რეგულარულად ვმუშაობთ საერთაშორისო მხარდაჭერის კიდევ უფრო მობილიზებისა და კონსოლიდირებისთვის. სწორედ ეს არის ჩემი ამჟამინდელი ვიზიტის მთავარი მიზანიც - მაქსიმალური ინფორმაცია მივაწოდო ჩვენს პარტნიორებს გამყოფ ხაზებზე და ოკუპირებულ ტერიტორიებზე არსებული ვითარების, საქართველოს მთავრობის სამშვიდობო მიდგომების შესახებ“, - აცხადებს სახელმწიფო მინისტრი.

ქეთევან ციხელაშვილი გერმანიაში ორდღიანი ვიზიტით იმყოფება.

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები