ომბუდსმენი აღმაშენებელზე მომხდარ ინციდენტებზე სამართალდმცავ ორგანოებს რეაგირებისკენ მოუწოდებს

ომბუდსმენი აღმაშენებელზე მომხდარ ინციდენტებზე სამართალდმცავ ორგანოებს რეაგირებისკენ მოუწოდებს

სახალხო დამცველი აღმაშენებლის გამზირზე გამართულ აქციებს ეხმაურება. სახალხო დამცველის წარმომადგენელი აკვირდებოდა  23 ივლისს, თბილისში, აღმაშენებლის გამზირზე გამართულ აქციებს.

"სახალხო დამცველი დადებითად აფასებს პოლიციის მუშაობას. აღსანიშნავია, რომ აქციისა და კონტრაქციის მონაწილეებს შორის სამართალდამცავთა კორდონი იდგა, რამაც ხელი შეუწყო მანიფესტაციისათვის უსაფრთხო გარემოს შექმნას და რისკები მინიმუმამდე დაიყვანა. თუმცა, მიღებული ზომების მიუხედავად, მაინც ჰქონდა ადგილი ცალკეულ ინციდენტებს. დაფიქსირდა კონტრდემონსტრანტების მხრიდან აქციის მონაწილეების მიმართ სხვადასხვა საგნების – წყლის ბოთლების, კვერცხებისა და ცოცხების სროლის, ასევე, სიტყვიერი შეურაცხყოფის მიყენების ფაქტები.

გავრცელებული ინფორმაციით, საგნების სროლას რამდენიმე ადამიანის დაშავებაც მოჰყვა. მოქალაქის დაშავების ფაქტზე შსს–მ გამოძიება სისხლის სამართლის კოდექსის 126–ე მუხლით (ძალადობა) დაიწყო. სახალხო დამცველი მოუწოდებს სამართალდამცავ ორგანოებს, კანონით გათვალისწინებული რეაგირება მოახდინონ თითოეულ ამ ინციდენტზე და გამოიყენონ პასუხისმგებლობის შესაბამისი ზომები ყველა კანონდამრღვევი პირის მიმართ. სახალხო დამცველის აპარატი თვალყურს მიადევნებს აღნიშნულ პროცესს",-აღნიშნულია სახალხო დამცველის განცხადებაში. 

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები