NDI: გამოკითხულთა უმრავლესობისთვის თვითმმართველი ქალაქების რაოდენობის შემცირება მიუღებელია

NDI: გამოკითხულთა უმრავლესობისთვის თვითმმართველი ქალაქების რაოდენობის შემცირება მიუღებელია

ეროვნულ დემოკრატიული ინსტიტუტის (NDI) კვლევის თანახმად, გამოკითხული მოსახლეობის ნახევარს - 52%-ს სმენია იმ საკანონმდებლო ცვლილების შესახებ, რომლის თანახმადაც შვიდ ქალაქს თვითმმართველი ქალაქის სტატუსი ჩამოერთმევა, 44%-ს არ სმენია ამ ინიციატივის შესახებ.

კვლევის მიხედვით, მოქალაქეთა უმრავლესობისთვის - 59%-სთვის მიუღებელია ქალაქისა და თემის მუნიციპალიტეტების გაერთიანება, რის შედეგადაც მათ ერთი უწყება უხელმძღვანელებს. მხოლოდ 16 % უჭერს მხარს ამ სიახლეს.

ამასთან, გამოკითხული მოსახლეობის 45%-ს მიაჩნია, რომ ამ ცვლილებებს ნეგატიური გავლენა ექნება საქართველოზე, 11 %-ს კი სჯერა, რომ გავლენა პოზიტიური იქნება.

"კვლევა ცხადყოფს, რომ სამოქალაქო საზოგადოებასთან, ოპოზიციურ პარტიებთან და პრეზიდენტთან ერთად, ადგილობრივი თვითმმართველობის კანონმდებლობაში ცვლილებებს მოქალაქეებიც აკრიტიკებენ. მოსახლეობის ძალიან მცირე ნაწილი აფასებს ამ ცვლილებებს პოზიტიურად", - განაცხადა ლორა თორნტონმა.

მისი თქმით, სასურველი იქნება, პარლამენტმა ამ ცვლილებების გარშემო დებატები გააგრძელოს.

"კიდევ ერთხელ უნდა აღინიშნოს, რომ სასურველი იქნება, პარლამენტმა გააგრძელოს ამ მნიშვნელოვანი ცვლილებების გარშემო დებატები და განხილვები, რათა არაპოპულარული ცვლილებების წინასაარჩევნო პერიოდში ნაჩქარევად მიღება თავიდან აიცილოს”, - აღნიშნა ლორა თორტონმა. 

ანა ნაცვლიშვილი: პარლამენტის თავმჯდომარის ქცევა საოცრად არაეთიკური იყო!

ანა ნაცვლიშვილი: პარლამენტის თავმჯდომარის ქცევა საოცრად არაეთიკური იყო!

27 ივლისი, 2017

"საოცრად არაეთიკური იყო გუშინ პარლამენტის თავმჯდომარის ქცევა! ორმაგად სამწუხარო ამ ყველაფერში ის არის, რომ არ გამკვირვებია!",-საია-ს ხელმძღვანელი ანა ნაცვლიშვილი პარლამენტში პრეზიდენტის საპარლამენტო მდივნის ანა დოლიძისა და პარლამენტის...

ახალი სტატიები
პოპულარული სტატიები