ფხალაძე; პასპორტიზაცია ემსახურება იმ მოსახლეობის იზოლაციას, რომელიც მოქცეულია ოკუპირებულ ტერიტორიაზე

ფხალაძე; პასპორტიზაცია ემსახურება იმ მოსახლეობის იზოლაციას, რომელიც მოქცეულია ოკუპირებულ ტერიტორიაზე

„ეს ქმედებები ემსახურება იმ მოსახლეობის იზოლაციას, რომელიც მოქცეულია ოკუპირებულ ტერიტორიაზე”, - თენგიზ ფხალაძე საოკუპაციო რეჟიმის ულტიმატუმს აფასებს

პრეზიდენტის მრჩეველი საგარეო ურთიერთობების საკითხებში აღმაშფოთებელს უწოდებს ე.წ. პასპორტიზაციის ახალი ეტაპის დაწყებას ოკუპირებულ აფხაზეთში.

„უკიდურესად აღმაშფოთებელია ის ნაბიჯები, რომლებსაც დგამს რუსეთის ფედერაცია ოკუპირებულ ტერიტორიებზე, თუმცა ეს პროცესი მიმდინარეობს საკმაოდ დიდი ხანია სხვადასხვა პერიოდული ე.წ. შესვენებებით. საკმაოდ დიდი ხანია, რაც რუსეთის ფედერაცია ებრძვის ოკუპირებულ ტერიტორიებზე ყველაფერს ქართულს და რაც ადგილზე მყოფ მოსახლეობას აძლევს საშუალებას, რომ ურთიერთობა ჰქონდეს ძირითად, ჩვენს მიერ კონტროლირებად ტერიტორიასთან. ეს ქმედებები სწორედ ემსახურება იმ მოსახლეობის იზოლაციას, რომელიც მოქცეულია ოკუპირებულ ტერიტორიაზე, უკვე აღარ ვლაპარაკობ იმაზე, რომ ეს აშკარად დარღვევა არის საერთაშორისოდ აღიარებული ნორმების, ადამიანის უფლებების და ეს საკითხი ძალიან აქტიური ყურადღების ქვეშ არის და მუდმივი მონიტორინგის ქვეშ არის საქართველოს პრეზიდენტის მიერ. მე მუდმივ კავშირზე ვარ საგარეო საქმეთა სამინისტროსთან პრეზიდენტის დავალებით, ისევე როგორც ჩვენ წარმომადგენლობებთან და მიუხედავად იმისა, რომ ახლა არის აგვისტოს თვე, როდესაც არ არის მაინცადამაინც დიდი აქტიურობა საერთაშორისო ორგანიზაციებში, აბსოლუტურად ყველა საერთაშორისო ორგანიზაციაში უკვე მისული არის ინფორმაცია, მიმდინარეობს მუშაობა ჩვენს პარტნიორებთან იმისათვის, რომ ამ ქმედებებს მიეცეს ის შეფასება და რუსეთის ფედერაციის ამ ქმედებებს გაეცეს ის პასუხი რაც აუცილებელია“,- აცხადებს თენგიზ ფხალაძე.

პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

12 ივლისი, 2018

საქართველოს პრეზიდენტმა გიორგი მარგველაშვილმა ნატოს სამიტზე, ნატო - საქართველო - უკრაინის ფორმატის სხდომის ფარგლებში მოკლე შეხვედრა გამართა აშშ-ს პრეზიდენტთან დონალდ ტრამპთან, სადაც საქართველოს პრეზიდენტმა კიდევ ერთხელ ხაზი გაუსვა იმას, თუ...

ახალი სტატიები
პოპულარული სტატიები