EBRD-ის პრეზიდენტი საქართველოს მთავრობის ადმინისტრაციაში ინვესტორთა საბჭოს სხდომას დაესწრო

EBRD-ის პრეზიდენტი საქართველოს მთავრობის ადმინისტრაციაში ინვესტორთა საბჭოს სხდომას დაესწრო
06 / 09 / 2017 18:57

სასამართლო რეფორმა, კომერციული პალატების შექმნის ინიციატივა, კანონი მეწარმეთა შესახებ და კერძო სექტორისთვის მნიშვნელოვანი სხვა საკითხები განიხილეს ინვესტორთა საბჭოს დღევანდელ სხდომაზე, რომელიც პრემიერმინისტრ გიორგი კვირიკაშვილის ხელმძღვანელობით მთავრობის ადმინისტრაციაში გაიმართა.

საბჭოს სხდომაში დღეს მონაწილეობა მიიღო EBRD-ის პრეზიდენტმა სუმა ჩაკრაბარტიმ, რომელიც საქართველოში ვიზიტით მესამედ იმყოფება.

პრემიერმინისტრმა ყურადღება გაამახვილა ევროპის რეკონსტრუქციისა და განვითარების ბანკის მხარდაჭერის მნიშვნელობაზე, რომლის ფარგლებში 200-ზე მეტი პროექტი და დაახლოებით 3 მილიარდი ევროს მოცულობის ინვესტიცია განხორციელდა.

სხდომაზე რევოლუციურ წინგადადგმულ ნაბიჯად შეფასდა სასამართლოებში კომერციული პალატების სისტემის შექმნა და ამ მიმართულებით მოსამართლეების პროფესიული მომზადება. ინვესტორთა საბჭოს წევრები მიიჩნევენ, რომ ეს ხელს შეუწყობს კომერციული დავების მოკლე ვადებში გადაწყვეტას და ქვეყანაში არსებული ხელსაყრელი ბიზნესგარემოს კიდევ უფრო გაუმჯობესებას. გიორგი კვირიკაშვილმა სასამართლო რეფორმის პროცესში საქართველოს მხარდაჭერის ინიცირებისთვის, სხვა დონორებთან ერთად, მადლობა გადაუხადა EBRD-ის.

პრემიერმინისტრმა ასევე ისაუბრა ინვესტორთა საბჭოს საქმიანობის მნიშვნელობაზე და საქართველოს მთავრობის სახელით, კიდევ ერთხელ დაადასტურა მზადყოფნა აღნიშნული პლატფორმის ფარგლებში კერძო სექტორის წარმომადგენლებთან აქტიური თანამშრომლობისთვის, რათა უზრუნველყოფილი იყოს მათი მაქსიმალური ჩართულობა ახალი კანონმდებლობის და რეგულაციების შემუშავების პროცესში.

საქართველოს ბოლო ხუთი წლის მიღწევებზე გაამახვილა ყურადღება EBRD-ის პრეზიდენტმა. სუმა ჩაკრაბარტიმ აღნიშნა, რომ ქვეყნის პროგრესმა ევროპის რეკონსტრუქციისა და განვითარების ბანკს რეკორდული ინვესტიციების განხორციელების საშუალება მისცა.

EBRD-ის პრეზიდენტმა ასევე ხაზი გაუსვა საქართველოს მთავრობის თანამშრომლობას კერძო სექტორთან, საერთაშორისო ორგანიზაციებთან, მათ შორის EBRD-თან ინვესტორთა საბჭოს ფორმატში და განაცხადა, რომ ეს უზრუნველყოფს ბიზნესგარემოს შემდგომ გაუმჯობესებას და წაახალისებს ადგილობრივ და უცხოელ ინვესტორებს, მეტად დაინტერესდნენ საქართველოთი.

ინფორმაცია მთავრობის ადმინისტრაციამ გაავრცელა. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება