მარგველაშვილი: ქართველ ჯარისკაცებს პროფესიონალიზმთან და პარტნიორებთან ერთად, ზურგს სიმართლის მხარეს დგომა უმაგრებს

მარგველაშვილი: ქართველ ჯარისკაცებს პროფესიონალიზმთან და პარტნიორებთან ერთად, ზურგს სიმართლის მხარეს დგომა უმაგრებს
07 / 09 / 2017 17:30

საქართველოს პრეზიდენტი გიორგი მარგველაშვილი გორში, ეროვნული თავდაცვის აკადემიაში კურსდამთავრებულთა ფიცის დადების ცერემონიას დაესწრო. ფიცი თავდაცვის აკადემიის სასწავლო ბატალიონის საბაკალავრო კურსის 84-მა და ოფიცერთა მომზადების საკანდიდატო კურსის 6 კურსდამთავრებულმა დადო.

კურსდამთავრებულებს აკადემიის დასრულება საქართველოს პრეზიდენტმა გიორგი მარგველაშვილმა, თავდაცვის მინისტრმა ლევან იზორიამ, გენერალური შტაბის უფროსმა, გენერალ-მაიორმა ვლადიმერ ჩაჩიბაიამ, აკადემიის რექტორმა, პოლკოვნიკმა ზაზა ჯაფარიძემ და ბაკალავრიატის წარჩინებულმა კურსდამთავრებულებმა მიულოცეს და სამსახურებრივი მოვალეობის შესრულების დრო დაღუპულ გმირთა ხსნოვნას პატივი მიაგეს.

საქართველოს პრეზიდენტმა სამშობლოს სამსახურისათვის მადლობა გადაუხადა ეროვნული თავდაცვის აკადემიის კურსდამთავრებულებს: ,,როდესაც იცავთ ჩვენს სახელმწიფოს, თქვენ აბსტრაქტულ ღირებულებებს არ იცავთ. თქვენ იცავთ ამ ადამიანებს, რომლებმაც თქვენში დაინახეს მტრისგან დამცველი. თქვენს ხარჯზე და თქვენს იმედზე აშენებენ მომავალ საქართველოს”,- აღნიშნა გიორგი მარგველაშვილმა და თავის გამოსვლაში განსაკუთრებული ადგილი დაუთმო გუშინ ავღანეთში, ბაგრამის საავიაციო ბაზაზე მომხდარ თავდასხმას.

,,ჩვენო თანამებრძოლებო, გუშინ ჩვენ მოგვაყენეს დარტყმა - მტერმა დაჭრა ჩვენი სამი თანამებრძოლი ავღანეთში. ამ ამბის გაგების პირველივე წუთებიდან ჩვენ ვფიქრობთ მათ ჯანმრთელობაზე.

განსაკუთრებით ჩვენ ვლოცულობთ ივერი ბუაძის ჯანმრთელობაზე და მას სწრაფ გამოჯანმრთელებას ვუსურვებთ. გუშინდელი და დღევანდელი დღე არის შეჯამება იმ ცხოვრებისა, რომელსაც გადის საქართველოს ჯარისკაცი და იმ ვალდებულებისა, რაც თქვენ ცოტა ხნის წინ აიღეთ ქართველი ხალხის წინაშე - დაიცვათ ჩვენი სამშობლო, დაიცვათ ჩვენი ინტერესები;

ამ მძიმე წუთებში, როდესაც ჩვენ განვიცდით ჩვენი თანამებრძოლთა ჯანმრთელობას, როდესაც ჩვენ ვლოცულობთ მათ გამოჯანმრთელობაზე, ბუნებრივია, ჩვენ ვუბრუნდებით ყველაზე მნიშვნელოვანს - რატომ ვდგავართ ჩვენ აქ და რატომ ვიღებთ იმ ვალდებულებებს, რომელიც აი ამ რთულ ვითარებაში ჩვენს მოღვაწეობას, ჩვენს შრომას და ჩვენს ჯანმრთელობას და საუბედუროდ, ხშირად სიცოცხლესაც მოითხოვს?

როგორც ოფიცრებს, თქვენ კარგად გესმით ის სრთული ვითარება, რომელშიც იმყოფება ჩვენი სამშობლო და ის გლობალური სირთულე, რომელიც კაცობრიობის წინაშე დგას.

ცივი ომის დასრულების შემდეგ, ალბათ არ გვეგონა, რომ ამდენი ცხელი წერტილი იქნებოდა მსოფლიოში და ამდენი გამოწვევა ექნებოდა კაცობრიობას, მაგრამ დღეს, როდესაც ჩვენ ვხედავთ ამდენ სირთულეს, გამოწვევას, კიდევ უფრო კარგად უნდა გავიაზროთ და დავუბრუნდეთ იმ სიმართლეს, რომლის მხარესაც ჩვენ ვდგავართ.

თქვენ არა მხოლოდ თქვენი პროფესიონალიზმი, თანამებრძოლთა და პარტნიორთა მხარდაჭერა გიმაგრებთ ზურგს, არამედ ისიც, რომ თქვენ ხართ სიმართლის მხარეს.

ერთ მხარეს არის საქართველოს და მისი მეგობრები და მეორე მხარეს არიან ძალები, რომელთათვის მისაღებია სხვა ადამიანის ჩაგვრა, განადგურება, დამცირება, რომელთათვისაც მისაღებია გლობალური დესტაბილიზაცია.

ერთ მხარეს ხართ თქვენ, რომლებიც იცავთ ადამიანის ღირსებას, თავისუფლებას და მეორე მხარეს არიან ადამიანები, რომლებსაც სჯერათ, რომ შეიძლება ერთმა ქვეყანამ მეორე დაიპყროს, მისი მოსახლეობა გაანადგუროს, დაჩაგროს და მიწასთან გაასწოროს.
ეს სიმართლე ერთ-ერთი ყველაზე ძლიერი იარაღია, რომელიც თქვენ გაქვთ. ამ სიმართლით ჩვენ გავიმარჯვებთ ყველა იმ წერტილში, სადაც საქართველომ ძალიან ამაყად აღმართა თავისი დროშა.

მადლობა იმ არჩევანისთვის, რომელიც თქვენ გააკეთეთ. მადლობა იმისთვის, რომ გადაწყვიტეთ ემსახუროთ ჩვენს სამშობლოს ყველაზე რთულ სფეროში. ღმერთი გფარავდეთ თქვენ, თქვენს ოჯახებს და საქართველოს!“- განაცხადა გიორგი მარგველაშვილმა.

საქართველოს პრეზიდენტი ფიცის დადების ცერემონიას პოლიტიკურ მდივანთან ფიქრია ჩიხრაძესთან და საპარლამენტო მდივანთან ერთად ანა დოლიძესთან ერთად ესწრებოდა.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება