ჯეჯელავა: დაისჯება ყველა პირი, ვინც დაუშვა ამა თუ იმ ფორმით ბავშვების პოლიტიკაში ჩართვა!

ჯეჯელავა: დაისჯება ყველა პირი, ვინც დაუშვა ამა თუ იმ ფორმით ბავშვების პოლიტიკაში ჩართვა!

განათლებისა და მეცნიერების მინისტრი ალექსანდრე ჯეჯელავა ჟურნალისტებთან საუბრისას ეხმაურება შუახევის მუნიციპალიტეტის ერთ-ერთ სოფელში მომხდარ ფაქტს. მისი თქმით, დაისჯება ყველა პირი ვინც დაუშვა ბავშვების პოლიტიკაში ჩართვა.

"დროშების მოპოვება რთული არ არის რა თქმა უნდა, მთავარი არის საიდან აქვთ იდეა, რომ დასაშვებია ბავშვების ჩართვა პოლიტიკურ პროცესში. ყველა სკოლა გაფრთხილებულია ძალიან მკაცრად და ამ შემთხვევაშიც, არჩევნების მოახლოებასთან ერთად ჩვენ ეს ინფორმაცია კიდევ ერთხელ გავაფრთხილეთ, რომ სკოლის ტერიტორიაზე და მოსწავლეების მონაწილეობით აბსოლუტურად დაუშვებელია არა მხოლოდ ვიზუალური ნიშნების გამოყენება, არამედ ნებისმიერი აქტივობა, აბსოლუტურად, არჩევნებთან დაკავშირებული. ამ კონკრეტულ შემთხვევაში საქემე გვაქვს ან უხეშ დარღვევასთან ან გამიზნულ მოქმედებასთან. მოკვლევა ჩვენ დავიწყეთ გუშინ წინ, როდესაც ეს ინფორმაცია მივიღეთ. ძალიან პრინციპული საკითხია, სრული სიმკაცრით დაისჯებიან აბსოლუტურად ყველა პირი რომლებმაც შეგნებულად ან შეცდომით დაუშვა ბავშვების ამა თუ იმ ფორმით პოლიტიკაში ჩართვა. ეს შეიძლება იყოს გაფრთხილება, შეიძლება იყოს საყვედური და უკიდურეს შემთხვევაში შეიძლება იყოს სამსახურიდან გათავისუფლება", - განაცხადა ალექსანდრე ჯეჯელავამ.

შეგახსენებთ, რომ სოციალურ ქსელში ვრცელდება შუახევის მუნიციპალიტეტის ერთ-ერთ სკოლაში გადაღებული ფოტო, სადაც ჩანს, რომ სკოლის მოსწავლეებს "ქართული ოცნების" დროშები უჭირავთ. 

მამუკა ბახტაძე: ჭარბვალიანობა ახრჩობს ქვეყანას

მამუკა ბახტაძე: ჭარბვალიანობა ახრჩობს ქვეყანას

20 ივნისი, 2018

ამის შესახებ პარლამენტის რიგგარეშე სხდომზე პრემიერმინისტრობის კანდიდატმა მამუკა ბახტაძემ განაცხადა. "მინდა ცალკე გამოვყო პასუხისმგებლიანი დაკრედიტების სისტემა, რომლის ჩამოყალიბებასაც უდიდესი მნიშვნელობა ენიჭება ქვეყანაში...

ახალი სტატიები