მდინარაძე "გამჭირვალობას": ნუ შეხვალთ ასეთ სიღრმეებში ან რეალურად გამოიკვლიეთ რაც ხდება

მდინარაძე "გამჭირვალობას": ნუ შეხვალთ ასეთ სიღრმეებში ან რეალურად გამოიკვლიეთ რაც ხდება
21 / 09 / 2017 19:00

საპარლამენტო უმრავლესობის წევრის, ფრაქცია "ქართული ოცნების" თავმჯდომარის მამუკა მდინარაძის განცხადებით,"საერთაშორისო გამჭირვალობა - საქართველომ" მოსახლეობის შეცდოში შეყვანა სცადა.

"ჩვენ არ გვინდა რომ პოლიტიკური პოლემიკა გავმართოთ არასამთავრობო სექტორთან და ვცდილობთ რაც არ უნდა კრიტიკულები იყვნენ ისინი ყოველთვის გავიაზროთ მათი დასკვნები. მაგრამ ამ შემთხვევაში ადგილი ჰქონდა ან არაკვალიფიციურობას ან განზრახ შეცდომაში შეყვანის მცდელობას. მინდა მოვუწოდო მათ ნუ შევლენ ასეთ სიღრმეებში და თუ შევლენ რეალურად გამოიკვლიონ რაც ხდება", - განაცხადა მდინარაძემ.

"საერთაშორისო გამჭირვალობა საქართველოს" დირექტორის ეკა გიგაურის განცხადებით, საქართველოს პარლამენტის დეპუტატების და თავმჯდომარის მხრიდან მათ ორგანიზაციაზე დისკრედიტაციული კამპანია დაიწყო, მას შემდეგ, რაც არასამთავრობომ დეპუტატების ბიზნესინტერესები გამოააშკარავა. ამის შესახებ ეკა გიგაურმა დღეს გამართულ სპეციალურ ბრიფინგზე განაცხადა.

"ვხედავთ, რომ ფაქტობრივად მიზანმიმართული დისკრედიტაციის კამპანია დაიწყო დეპუტატების მხრიდან და მასში ჩაერთო პარლამენტის თავმჯდომარეც. ჩვენ ვფიქრობთ, რომ მაშინ როდესაც საქართველომ გადმოიბარა ღია მმართველობის პარტნიორობა და წელს უკვე საქართველო იქნება თავმჯდომარე ქვეყანა, გაუგებარია და აბსოლუტურად მიუღებელია ის, რომ ჩვენი მოთხოვნა იმასთან დაკავშირებით რომ დეპუტატების ბიზნესინტერესებთან დაკავშირებით ინფორმაცია იყოს ცნობილი, ამაზე ასეთი აგრესიული კამპანია მიმდინარეობს საქართველოს პარლამენტის მხრიდან",- განაცხადა ეკა გიგაურმა.

"საერთაშორისო გამჭირვალობა-საქართველომ" 19 სექტემბერს იმ საკანონმდებლო ორგანოს წარმომადგენელების სიას გამოაქვეყნა, რომლებიც არადეკლარირებულ ბიზნეს აქტივებს და მათ სტატუსთან შეუთავსებელ საქმიანობა ეწევიან. ორგანიზაციის ცნობით, საქართველოს პარლამენტის 51 წევრს აქვს ბიზნესთან კავშირი და შესაბამისად, ფლობს წილს სამეწარმეო სუბიექტებში. ასევე, პარლამენტის 16 წევრს არადეკლარირებული ბიზნეს აქტივები აქვს: 14 დეპუტატი უმრავლესობიდან: ლევან ბეჟანიძე, ბიძინა გეგიძე, ლევან კობიაშვილი, გურამ მაჭარაშვილი, კობა ნარჩემაშვილი, გია ჟორჟოლიანი, შოთა ხაბარელი, დიმიტრი ხუნდაძე, ედიშერ თოლორაია, დიმიტრი სამხარაძე, გედევან ფოფხაძე, ერეკლე ტრიპოლსკი, მარიამ ჯაში და სოფიო კილაძე; ხოლო 2 დეპუტატი "საქართველოს პატრიოტებიდან": ირმა ინაშვილი და გიორგი ლომია.

ყველაზე მეტ კომპანიაში ბიზნეს აქტივებს ფლობენ: ივლიანე წულაია "ქართული ოცნება" - 31 კომპანია, ნინო წილოსანი "ქართული ოცნება" - 13 კომპანია, კახაბერ ოქრიაშვილი "ქართული ოცნება - რეგიონების განვითარებისთვის") - 13 კომპანია.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება