ირაკლი კობახიძე: ვენეციის კომისია პრეზიდენტის არც ერთ შენიშვნას არ იზიარებს

ირაკლი კობახიძე: ვენეციის კომისია პრეზიდენტის არც ერთ შენიშვნას არ იზიარებს
25 / 09 / 2017 17:31

პარლამენტის თავმჯდომარე ირაკლი კობახიძე ვარაუდობს, რომ პრეზიდენტი გიორგი მარგველაშვილი პარლამენტის მიერ დამტკიცებულ საკონსტიტუციო ცვლილებების პროექტს ვეტოს დაადებს.

„თუ დაედება ვეტო ამ კანონპროექტს, ის იქნება ალბათ იმის შესაბამისი, რა დოკუმენტიც შეიმუშავა პრეზიდენტმა ე.წ. 20 პარტიასთან ერთად. შემიძლია ძალიან თამამად განვაცხადო, რა შენიშვნებიც იყო წარმოდგენილი ამ დოკუმენტში, ვენეციის კომისია არც ერთს არ იზიარებს, გარდა ერთისა, ვენეციის კომისიამ გამოხატა უკმაყოფილება იმით, რომ სამწუხაროდ ვერ მოხერხდა 2020 წელს პროპორციული სისტემის ამოქმედება.

პრეზიდენტის არც ერთ სხვა შენიშვნას ვენეციის კომისია არ იზიარებს. ეს ეხება პრეზიდენტის არჩევის წესს. ვენეციის კომისიამ ჩვენ პრეზიდენტის არაპირდაპირი არჩევა მოგვიწონა, უფლებამოსილებებთან დაკავშირებით ვენეციის კომისიას არც ერთი შენიშვნა არ აქვს, ასევე მთავრობის საკითხებთან, უშიშროების საბჭოს გაუქმებასთან და თავდაცვის თავთან დაკავშირებით არ არის არც ერთი შენიშვნა“, - განაცხადა ირაკლი კობახიძემ.

პარლამენტის თავმჯდომარე დასძენს, რომ პრეზიდენტის და 20 პარტიის მიერ შემუშავებული შენიშვნები, საკონსტიტუციო ცვლილებებთან დაკავშირებით, მთლიანად არის აცდენილი ვენეციის კომისიის დასკვნასთან.

„ვენეციის კომისიამ ჩვენ ძალიან პოზიტიური დასკვნა მოგვცა საკონსტიტუციო ცვლილებებთან დაკავშირებით. ვენეციის კომისია ასევე არ იზიარებს პრეზიდენტის ე.წ. 20 პარტიის შენიშვნებს, საარჩევნო ბარიერთან და ბლოკების გაუქმებასთან დაკავშირებით. ვენეციის კომისიას მიაჩნია, რომ პროპორციული სისტემა, იმ პირობებში, როდესაც დადგენილია 5%-იანი ბარიერი პარტიებისთვის, სრულად შეესაბამება ევროპულ სტანდარტებს“, - აღნიშნა ირაკლი კობახიძემ.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება