პრემიერი: კონსტიტუცია, რომელსაც ვიღებთ, მთლიანად პასუხობს ჩვენი საზოგადოების მოთხოვნებს

პრემიერი: კონსტიტუცია, რომელსაც ვიღებთ, მთლიანად პასუხობს ჩვენი საზოგადოების მოთხოვნებს

საქართველოს პრემიერ-მინისტრის გიორგი კვირიკაშვილის განცხადებით, კონსტიტუცია, რომელსაც საქართველოს პარლამენტი კენჭს დღეს უყრის, საზოგადოების მპოთხოვნებს მთლიანად პასუხობს. ამის შესახებ პრემიერმა დღევანდელ მთავრობის სხდომაზე განაცხადა.

"როგორც ბოლო ნაბიჯი კონსესუსის მიღწევის გზაზე ჩვენ დავთანხმდით ძალიან მნიშვნელოვან საკითხებზე, ეს იყო პრეზიდენტის კიდევ ერთხელ არა 5 წლით, არამედ 6 წლით პირდაპირი წესით არჩევა, რათა 2024 წელს, როდესაც პროპორციულ წესზე გადასვლა მოხდება, ერთდროულად მოხდეს პრეზიდენტის არაპირდაპირ არჩევის წესზე გადასვლა. თავისთავდ პროპორციულ პარლამენტზე გადასვლა არის უდიდესი ნაბიჯი დემოკრატიის განვითარებისთვის ქვეყანაში. ასეთი რამ მიუღწეველი იყო წლების განმავლობაში და ყველა ოპოზიციონერისთვის, ვინც კი ოპოზიციაში ყოფილა იყო მართლაც სანატრელი. რა თქმა უნდა, ის ბოლო ნაბიჯი რაც იყო 5%-ზე და 3%-ზე ბარიერის დაწევა 2020 წლის პარლამენტისთვის და ასევე ბლოკების აკრძალვის გაუქმება.

ამის გარდა, ძალიან მნიშვნელოვანი საკითხები იქნა შეტანილი კონსტიტუციაში, როგორიც არის მაგალითად სასოფლო-სამეურნეო მიწის გასხვისების აკრძალვა საქართველოს მოქალაქეობის არმქონე პირებზე, ეს არის საპარლამენტო ოპოზიციისთვის მნიშვნელოვნად გაზრდა უფლებების, მათ შორის საგამოძიებო კომისიის შექმნის უფლების მინიჭება, ეს არის სახელმწიფოს სოციალური პასუხისმგებლობის მნიშვნელოვნად ამაღლება და შრომითი უფლებების დაცულობა. ქვეყნის საგარეო არჩევანის დაფიქსირება. ქორწინების დეფინიციის გათვალისწინება. ასე რომ ჩვენ შეგვიძლია თამამად ვთქვათ, რომ კონსტიტუცია რომელსაც ჩვენ ვღებულობთ მთლიანად პასუხობს ჩვენი საზოგადოების მოთხოვნებს და ქვეყნის განვითარების დღისწესრიგს. დიდი იმედი მაქვს რომ მესამე მოსმენით კენჭი ეყრება და ჩვენ მივიღებთ კონსტიტუციას, რომელიც ნამდვილად გახლავთ დემოკრატიული განვითარებითვის ძალიან მნიშვნელოვანი წინ გადადგმული ნაბიჯი", - განაცხადა პრემიერმა.

პრემიერი: აშშ-ის უწყვეტი მხარდაჭერით საქართველოში გაძლიერდა სახელისუფლებლო ინსტიტუტები

პრემიერი: აშშ-ის უწყვეტი მხარდაჭერით საქართველოში გაძლიერდა სახელისუფლებლო ინსტიტუტები

21 მაისი, 2018

"აშშ-ის უწყვეტი მხარდაჭერის წყალობით საქართველოში განხორციელდა დემოკრატიის კონსოლიდაცია, გაძლიერდა სახელისუფლებლო ინსტიტუტები და შეიქმნა მეტი შესაძლებლობა არა მხოლოდ საქართველოს, არამედ მთელი რეგიონის ეკონომიკური განვითარებისთვის", -...

ახალი სტატიები