მდინარაძე: "გამჭირვალობის"კვლევის მიხედვით, დღესაც ვარ რომელიღაცა საადვოკატო ფირმის დირექტორი

მდინარაძე: "გამჭირვალობის"კვლევის მიხედვით, დღესაც ვარ რომელიღაცა საადვოკატო ფირმის დირექტორი

"ყველა კვლევა, რომელიც ამ ბოლო დროს ამ არასამთავრობო ორგანიზაციამ გაავრცელა შეიცავდა თავის მხრივ არასწორ მონაცემებს", - ამის შესახებ საპარლამენტო უმრავლესობის წევრმა მამუკა მდინარაძემ "საერთაშორისო გამჭირვალობა - საქართველოს" გამოქვეყნებულ კვლევასთან დაკავშირებით განაცხადა, რომლის მიხედვითაც, 2012 წელს სსიპ-ებსა და აიპ-ებში იყო დასაქმებული შტატიანი 8870 თანამშრომელი, ხოლო 2017 წლის მონაცემებით, 74 სსიპ-სა და აიპ-იში დასაქმებულია 12632 თანამშრომელი.

"იგივე არასამთავრობო ორგანიზაციამ, რამდენიმე დღის წინ 2006 თუ 2007 რეესტრის მონაცემებზე დაყრდნობით, გაავრცელა ინფორმაცია თითქოს მე ვიღებ სამეწარმეო საქმიანობაში მონაწილეობას და დღესაც ვარ რომელიღაცა საადვოკატო ფირმის დირექტორი. ესეც თუ ანალოგიური სიმართლეა, სერიოზული კომენტარის გაკეთება ნებისმიერ ადამიანს გაუჭირდება. თუ რამე მსგავსი მონაცემები არსებობს, აუცილებლად გავერკვევი და გაგცემთ პასუხს. ყველა კვლევა რომელიც ამ ბოლო დროს ამ არასამთავრობო ორგანიზაციამ გაავრცელა შეიცავდა თავის მხრივ არასწორ მონაცემებს", - განაცხადა მამუკა მდინარაძემ.

ცნობისთვის, "საერთაშორისო გამჭირვალობა - საქართველოს" კვლევის მიხედვით ბოლო 5 წლის განმავლობაში, კონკრეტული სამინისტროების, ადგილობრივი თვითმმართველობების და ავტონომიური რესპუბლიკების დაქვემდებარებაში, საჯარო სამართლის იურიდიული პირების რაოდენობა და სახელფასო ფონდი საგრძნობლად გაიზარდა. ეკა გიგაურის განცხადებით, კითხვის ნიშნებს იწვევს დასაქმებულთა რაოდენობის ზრდაც, რაც შესაძლო ნეპოტიზმზე მიუთითებს.

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები