პარლამენტის თავმჯდომარე უშიშროების საბჭოს დღევანდელ სხდომას დაესწრება

პარლამენტის თავმჯდომარე უშიშროების საბჭოს დღევანდელ სხდომას დაესწრება

პარლამენტის თავმჯდომარე ირაკლი კობახიძე, დღეს, საქართველოს ეროვნული უშიშროების საბჭოს სხდომას დაესწრება. ამის შესახებ "აიპრესს" პარლამენტის საზოგადოებასთან ურთიერთობის სამსახურში განუცხადეს.

საქართველოს ეროვნული უშიშროების საბჭოს აპარატის ინფორმაციით, საქართველოს პრეზიდენტის მოწვევით, საქართველოს ეროვნული უშიშროების საბჭოს სხდომა 15:00 საათზე, საქართველოს პრეზიდენტის რეზიდენციაში გაიმართება.

სხდომის დღის წესრიგით გათვალისწინებულია შემდეგი საკითხების განხილვა: საქართველოს სამხედრო ძალების რაოდენობა 2018 წლისათვის, სამხედრო აღმშენებლობასა და ქვეყნის თავდაცვის ორგანიზაციასთან დაკავშირებული საკითხების განხილვა - ნატო-საქართველოს არსებითი პაკეტის განხორციელების პროგრესი, საქართველოს თავდაცვის მზადყოფნის პროგრამა, საქართველოს ეროვნული თავდაცვის გეგმის პროექტის საკვანძო საკითხები, საერთაშორისო სამშვიდობო მისიებში საქართველოს შეიარაღებული ძალების შესაბამისი ქვედანაყოფებისა და სამხედრო მოსამსახურეების მონაწილეობა და იქ არსებული უსაფრთხოების გარემო, რუსეთის ფედერაციის მიერ ბოლო პერიოდში განხორციელებული სამხედრო სწავლებები საქართველოს ოკუპირებულ ტერიტორიებზე და მათი გავლენა ქვეყნის თავდაცვისუნარიანობაზე, მზადება ნატო-ს მომავალი სამიტისათვის.

საკითხების მომხსენებლები თავდაცვის მინისტრი ლევან იზორია და გენშტაბის უფროსი ვლადიმერ ჩაჩიბაია, ასევე სახელმწიფო უსაფრთხოების სამსახურის უფროსი ვახტანგ გომელაური და საგარეო საქმეთა მინისტრი მიხეილ ჯანელიძე იქნებიან.

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები