მდინარაძე: თუ პრეზიდენტი ვენეციის კომისიის რეკომენდაციას გაითვალისწინებს, ვეტოს არ გადავლახავთ

მდინარაძე: თუ პრეზიდენტი ვენეციის კომისიის რეკომენდაციას გაითვალისწინებს, ვეტოს არ გადავლახავთ
02 / 10 / 2017 17:37

ფრაქცია "ქართული ოცნების“ თავმჯდომარის მამუკა მდინარაძის განცხადებით, მმართველი გუნდი საკონსტიტუციო რეფორმის ბოლომდე მიყვანას გეგმავს, რომელიც მისი შეფასებით, „არა მმართველი გუნდის, არამედ ჩვენი ქვეყნის კიდევ ერთ გამარჯვებას ნიშნავს“.

"საქართველოს ექნება ახალი კონსტიტუცია. მმართველმა გუნდმა მოახერხა ის, რაც ვერ მოახერხა ვერც ერთმა წინა ხელისუფლებამ და შეიძლება კრიტიკის მიზეზიც ეს იყოს.

ჩვენ მოვახერხეთ, რომ საქართველოს აქვს ევროპული სტილის ეროვნულ ღირებულებებზე დაყრდნობით შექმნილი კონსტიტუცია, რომელიც უზრუნველყოფს ჩვენი ქვეყნის გრძელვადიან დემოკრატიულ განვითარებას.

ახალ კონსტიტუციას, რომელიც ჩვენ მივიღეთ ეთანხმება უმრავლესობაში შემავალი 5 პარტია, ეთანხმება ხალხის ძალიან დიდი ნაწილი, ვენეციის კომისია, რომელიც ამ სფეროში გახლავთ ძალიან ავტორიტეტული ორგანიზაცია“, - აღნიშნა მამუკა მდინარაძემ.

მამუკა მდინარაძე ფიქრობს, რომ პარლამენტს პრეზიდენტის ადმინისტრაციაში გაკეთებული განცხადებებიდან გამომდინარე, პრეზიდენტის ვეტოს დაძლევა მოუწევს.

„პრეზიდენტის და მისი ადმინისტრაციის წინა კვირაში განხორციელებული ქმედებებიდან და განცხადებებიდან გამომდინარე, ვეტოს საკითხები ისეთი იქნება, რომ მისი დაძლევა მოგვიწევს“, - განაცხადა მამუკა მდინარაძემ და აქვე დასძინა, რომ: „თუ პრეზიდენტმა გაითვალისწინა ვენეციის კომისიის ის ორი რეკომენდაცია, რომელიც კიდევ უფრო მათი აზრით პოზიტიურს გახდის ამ პროცესს და საკონსტიტუციო რეფორმას, ამ შემთხვევაში ჩვენ ვეტოს არ გადავლახავთ, და პრეზიდენტს აქვს საშუალება, ამ კუთხით შეიტანოს პოზიტიური როლი ბოლო პერიოდში მაინც, როდესაც მან მთელი ამ ხნის განმავლობაში ნეგატიური პიარი აწარმოა ქვეყნის და კონსტიტუციის წინააღმდეგ“.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება