ალექსანდრე ჯეჯელავა: წერილს, რომელიც "თავი გაგიხმეთი" იწყება, არ ვკითხულობ

ალექსანდრე ჯეჯელავა: წერილს, რომელიც "თავი გაგიხმეთი" იწყება, არ ვკითხულობ

განათლებისა და მეცნიერების მინისტრმა ალექსანდრე ჯეჯელავამ პედაგოგებს პროფესიული დღე გუშინ, პარლამენტის შენობაში მიულოცა. როგორც მან სიტყვით გამოსვლისას განაცხადა, პედაგოგი ის პროფესიაა, რომელშიც ერთხელ თუ გაეხვევიე მერე ძალიან დიდი ხნით რჩები.

"5 ოქტომბრის გარდა სხვა დღეებშიც ვახერხებ პედაგოგებთან შეხვედრას, ძალიან მიხარია, რომ მაქვს ძალიან ხშირი შეხება. წინა კვირაშიც ვიყავი რამდენიმე რაიონში, თბილისშიც მქონდა პედაგოგებთან შეხვედრის საშუალება. ყოველდღიურად ვიღებ ძალიან კონკრეტულ და ძალიან ბევრ წერილს იმეილით, "ფეისბუქით" და ამას ყველაფერს ვკითხულობ. ერთადერთი "თავი გაგიხმესო" ისე რომ იწყება იმას არ ვკითხულობ, არ ვაგრძელებ.

მინდა მოგილოცოთ პროფესიული დღესასწაული, მადლობა მინდა გადაგიხადოთ. მე რომ სამინისტროში მოვედი რამდენიმე ჩემმა თანამშრომელმა მითხრეს ყველანაირი ნეგატიურის გარეშე, ჩემთვის მეამდენე მინისტრი ხარო, ზოგისთვის მეთორმეტე, ზოგისთვის მეხუთე. თავიდან ცოტა გული მეთანაღა მერე მივხვდი, რომ ყველაფერი წესრიგშია, მინისტრები წავლენ და წამოვლენ, ქვიშანი კი დარჩებიან და ეს ქვიშანი განათლების სისტემაში მასწავლებლები არიან. მოსწავლეებიც იცვლებიან, ხელისუფებაც იცვლება და პედაგოგი ის პროფესიაა, რომელიც ერთხელ თუ გაეხვევა ამ ამბავში მერე ძალიან დიდი ხნით რჩება.

ჩვენ გვყავს საამაყო პედაგოგები, რომლებიც 50 წელზე მეტია ამ პროფესიაში არინ", - განაცხადა ჯეჯელავამ. 

მამუკა ბახტაძე: ჭარბვალიანობა ახრჩობს ქვეყანას

მამუკა ბახტაძე: ჭარბვალიანობა ახრჩობს ქვეყანას

20 ივნისი, 2018

ამის შესახებ პარლამენტის რიგგარეშე სხდომზე პრემიერმინისტრობის კანდიდატმა მამუკა ბახტაძემ განაცხადა. "მინდა ცალკე გამოვყო პასუხისმგებლიანი დაკრედიტების სისტემა, რომლის ჩამოყალიბებასაც უდიდესი მნიშვნელობა ენიჭება ქვეყანაში...

ახალი სტატიები