კობახიძე: ეს ნამცხვარი პრეზიდენტისა და ოპოზიციისთვის კი არა მოსახლეობისთვის გამოვაცხვეთ

კობახიძე: ეს ნამცხვარი პრეზიდენტისა და ოპოზიციისთვის კი არა მოსახლეობისთვის გამოვაცხვეთ

ვენეციის კომისია ამბობს, რომ გემრიელი ნამცხვარი მოვამზადეთ, მაგრამ მისი ჭამა არავის უნდა, პასუხი მარტივია, ჩვენ ის ოპოზიციური პარტიებისა და პრეზიდენტისთვის კი არა, საქართველოს მოსახლეობისთვის მოვამზადეთ - ამის შესახებ საქართველოს პარლამენტის თავმჯდომარე ირაკლი კობახიძემ ვენეციის კომისიის პლენარულ სხდომაზე სიტყვით გამოსვლისას განაცხადა, რომელზეც დღეს საკონსტიტუციო ცვლილებების შესახებ საბოლოო დასკვნა დამტკიცდება.

„ვენეციის კომისია საუბრობდა კონსენსუსზე და წუხილს გამოთქვამდა, რომ საკონსტიტუციო ცვლილებებთან დაკავშირებით ფართო კონსენსუსი არ იყო მიღწეული. ჩვენ ასევე ვწუხვართ ამის გამო. რა თქმა უნდა, ბევრად უკეთესი იქნებოდა, სხვდასხვა პოლიტიკურ პარტიას შორის კონსენსუსი შემდგარიყო. როგორც იცით, ოპოზიციურმა პარტიებმა და საქართველოს პრეზიდენტმა, რომელიც 2014 წლის შემდეგ ოპოზიციაში, საკონსტიტუციო ცვლილებებს მხარი არ დაუჭირეს.

ამგვარად, ვენეციის კომისია ამბობს, რომ ჩვენ ძალიან გემრიელი ნამცხვარი მოვამზადეთ, მაგრამ მისი ჭამა არავის უნდა. პასუხი მარტივია, ჩვენ ეს გემრიელი ნამცხვარი ოპოზიციური პარტიებისთვის და საქართველოს პრეზიდენტისთვის არ მოგვიმზადებია, არამედ ის მოვამზადეთ საქართველოს მოსახლეობისთვის.

საქართველოს მოსახლეობა კი ისარგებლებს დემოკრატიის, კანონის უზენაესობის, სოციალური სახელმწიფოს პრინციპების ძლიერ გარანტიებს, უზრუნველყოფილი იქნება ადამიანის უფლებების დაცვით საქართველოში, ისარგებლებს საქართველოს უფრო ძლიერი პარლამენტით და ოპოზიციით, სასამართლოს დამოუკიდებლობით, რასაც ახალი კონსტიტუცია უზრუნველყოფს. ახალი კონსტიტუცია გააუმჯობესებს კანონის უზენაესობისა და დემოკრატიის სტანდარტებს ჩვენს ქვეყანაში“ - განაცხადა ირაკლი კობახიძემ.

წყარო: საზოგადოებრივი მაუწყებელი

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები