თალაკვაძე: კახა კალაძე მზადაა მონაწილეობა მიიღოს საერთო დებატში

თალაკვაძე: კახა კალაძე მზადაა მონაწილეობა მიიღოს საერთო დებატში

საპარლამენტო უმრავლესობის ლიდერი არჩილ თალაკვაძე აცხადებს, რომ "ქართული ოცნების" თბილისის მერობის კანდიდატი კახა კალაძე მზადაა მიიღოს მონაწილეობა კანდიდატების საერთო დებატებში. თალაკვაძემ მედიასაშუალებებს მიმართა და შესთავაზა, რომ შეთანხმდნენ ერთიან ფორმატზე, რომელშიც ყველა ტელევიზიის წარმომადგენელს და ყველა კანდიდატს ექნება მონაწილეობის მიღების შესაძლებლობა.

მოგეხსენებათ, რომ დღეს, საქართველოში თავისუფალი მედია-გარემოა და საბედნიეროდ არსებობს ბევრი მედია-საშუალება, რომელთაც სურთ კანდიდატებმა მონაწილეობა სწორედ მათ არხებზე გამართულ დებატებში მიიღონ.

“ქართული ოცნება დემოკრატიული საქართველო” პრაქტიკულად ყველა წინასაარჩევნო მედია-ფორმატში მონაწილეობს.

ცხადია, არჩევნების მოახლოვებასთან ერთად იზრდება მედიის ინტერესი და მოთხოვნა კანდიდატების დებატებში მონაწილეობაზე, განსაკუთრებით თბილისის მერობის კანდიდატებთან მიმართებაში.

ვინაიდან, არჩევნებამდე ცოტა დრო რჩება - ჩვენ ვთავაზობთ ყველა ძირითად მედიასაშუალებას შეთანხმდენენ ერთობლივ ფორმატზე, რომელშიც ყველა ტელევიზიის წარმომადგენელს და ყველა კანდიდატს ექნება მონაწილეობის მიღების შესაძლებლობა და მაყურებლისთვის ეთერი იქნება მაქსიმალურად ხელმისაწვდომი.

ჩვენ პატივს ვცემთ საზოგადოებას და მედიას, არ გვსურს გამოვარჩიოთ რომელიმე მედია საშუალება, ან რომელიმე მერობის კანდიდატი.

ამიტომ ქართული ოცნების თბილისის მერობის კანდიდატი კახა კალაძე, მზად არის მონაწილეობას მიიღოს საერთო დებატში, რომელიც აგებული იქნება პარიტეტულ პრინციპზე და ყველასთვის თანაბარ პირობებს უზრუნველყოფს", - განაცხადა თალაკვაძემ. 

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები