ზაალ უდუმაშვილი: ერთ დაკავებულზე ათი იმდენი გამოვა ქუჩაში, პირობას ვაძლევთ!

ზაალ უდუმაშვილი: ერთ დაკავებულზე ათი იმდენი გამოვა ქუჩაში, პირობას ვაძლევთ!

"ნაციონალური მოძრაობის" თბილისის მერობის კანდიდატი, ზაალ უდუმაშვილი საკრებულოში განვითარებულ მოვლენებს აფასებს და აღნიშნავს, რომ მათი იარაღი ხმამაღალი პროტესტია. როგორც მან თავისუფლების მოედანზე ჟურნალისტებს განუცხადა, ერთ დაკავებულ ადამიანზე, ათი იმდენი გამოვა ქუჩაში.

"ძალიან ბევრნი ვართ აქ, ყველას ვერ დააკავებენ. ერთ დაკავებულზე, ათი იმდენი გამოვა ქუჩაში, პირობას ვაძლევთ. ჩვენ გარეთაც ვიხმაურებთ, ჩვენი დეპუტატები შიგნითაც არიან საკრებულოში, რომლებიც ასევე ხმამაღლა გამოხატავენ პროტესტს. მართლა ძალისმიერ მეთოდს ხომ არ გამოვიყენებთ, ჩვენი იარაღი არის ხმამაღალი პროტესტი. პროტესტს მივმართავთ ბოლომდე და ბოლომდე გამოვიყენებთ კანონით მინიჭებულ ყველა უფლებას",-განაცხადა უდუმაშვილმა.

თბილისის საკრებულოსთან მიმდინარე საპროტესტო აქციაზე ორი პირი დააკავეს. საკრებულოსთან ოპოზიციური პარტიის წარმომადგენლები არიან შეკრებილი და სხდომაზე დასწრებას მოითხოვენ, რის უფლებასაც მათ პოლიცია არ აძლევს. თბილისის საკრებულოს თავმჯდომარემ გიორგი ალიბეგაშვილმა განაცხადა, რომ საკრებულოს დღევანდელ სხდომას დაესწრებიან მხოლოდ საკრებულოს წევრები, თანამშრომლები და მედია.

დღეს საკრებულოს სხდომაა დაგეგმილი, სადაც თაბორის მთაზე 5 ათასი კვადრატული მეტრის და პუშკინის სკვერის მიმდებარედ 1900 კვადრატული მეტრის სტატუსშეცვლილი ტერიტორიების კონკრეტული კომპანიებისთვის გადაცემას განიხილავენ.

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები
პოპულარული სტატიები