მარგველაშვილი: სოფლის მეურნეობის გაძლიერება პასუხია ჩვენი ქვეყნის რამდენიმე პრინციპულ გამოწვევაზე

მარგველაშვილი: სოფლის მეურნეობის გაძლიერება პასუხია ჩვენი ქვეყნის რამდენიმე პრინციპულ გამოწვევაზე
26 / 10 / 2017 19:40

საქართველოს პრეზიდენტი გიორგი მარგველაშვილი დღეს ფერმერებს შეხვდა და მათი საქმიანობის წინაშე არსებული პრობლემები მოისმინა.

პრეზიდენტის სასახლეში გამართულ შეხვედრაზე დარგის განვითარებისათვის მნიშვნელოვანი ახალი პროექტების შესახებ ანგარიში გიორგი მარგველაშვილს ასოციაციის თავმჯდომარემ ნინო ზამბახიძემ წარუდგინა.

ასოციაციის ახალ პროექტებს შორისაა ფერმერთა სათათბირო, საქართველოს ფერმერთა სადისტრიბუციო კომპანია, მობილური აპლიკაცია "აგრონავტი" და წიგნი "გზა ფერმერობისკენ".

როგორც პრეზიდენტმა განაცხადა, სოფლის მეურნეობის გაძლიერება ჩვენი ქვეყნის რამდენიმე პრინციპული გამოწვევის: სურსათით ჩვენივე ბაზრის უზრუნველყოფის; ქვეყანაში სავალუტო კურსის სტაბილურობის და დასაქმების პრობლემის პასუხს წარმოადგენს.

საქართველოს პრეზიდენტმა ფერმერებთან შეხვედრისას ქვეყნის განვითარების საკითხში სოფლის მეურნეობის განვითარების გაძლიერების მნიშვნელობაზე ისაუბრა და აღნიშნა, რომ ჯერ კიდევ 1921 წლის კონსტიტუციაში არსებობდა ჩანაწერი - "რესპუბლიკის განსაკუთრებული საზრუნავია სოფლის მეურნეობის აყვავება; მიწის დამუშავება და გამოყენება შეადგენს მიწის მფლობელის მოვალეობას საზოგადოების წინაშე“, - რაც ჩვენი ქყეყნისათვის დარგის მნიშვნელობაზე მეტყველებს.

შეხვედრა კითხვა-პასუხის რეჟიმში წარიმართა და ფერმერებმა პრეზიდენტს საკუთარი პრობლემების შესახებ მიაწოდეს ინფორმაცია, რომელიც მიწების გაფორმების გართულებას, ფინანსურ რესურსებთან და სახელმწიფო პროგრამებთან წვდომის თანასწორობას, საზღვარგარეთ სწავლების დაფინანსების შესაძლებლობის გაზრდას და სოფლის მეურნეობის დარგების სუბსიდირების საკითხებს შეეხებოდა.

საქართველოს პრეზიდენტმა მიწის გასხვისების აკრძალვის შესახებ ერთ-ერთი ფერმერის შეკითხვას უპასუხა და აღნიშნა, რომ არ ეთანხმება მკვეთრად მიწის გასხვისების აკრძალვას.

"„იყიდება საქართველო“ - ამ პათეტიკით ჩაიწერა კონსტიტუციაში, რომ მიწა არ უნდა გაიყიდოს. მე მგონია, რომ კონსტიტუციაში, აი ამ რაღაც უშინაარსო, პრანჭია ფრაზის ჩაწერით, ჩვენს სოფლის მეურნეობას სირთულე შეუქმენით.
მიზანი იყო დიადი, ნათელი, რომ კონსტიტუცია მიგვეღო, მაგრამ ახლა ჩვენ უნდა ვიფიქროთ ამ მიღებული კონსტიტუციის პირობებში როგორ შევამციროთ ის ზიანი, რომელიც ჩვენ მივაყენეთ, ამა თუ იმ სექტორს.

ჩემი აზრით, ერთ-ერთი მთავარი რაც აქ, ამ შემთხვევაში გასაკეთებელია ეს არის სახელმწიფო გარანტიების უზრუნველყოფა იმისთვის, რომ მიწის ბაზარი შედგეს.

როცა უცხოელებს ავუკრძალეთ მიწის ყიდვა, შესაბამისად ბანკებთან ჩვენ მისი საგარანტიო ფასიც დავაგდეთ, აი ეს უნდა იქნას კონპენსირებული რაღაც ფორმით.

თუ აი ამ ლექსის ჩაწერა გინდა კონსტიტუციაში და ჩაწერე ეს პათეტიკა, ახლა მიდი, დაუბრუნდი ფერმერს და ჰკითხე: რამდენად იოლად მიდის სოფლის მეურნეობაში ფული, რამდენად მზად არიან ბანკები სესხების გაცემაზე? თუ ეს, ასე არ არის, მაშინ კეთილი ინებე და ეს სადღეგრძელო აიღე და დააბალანსე ფინანსური ნაკადებით იმისთვის, რომ
რაღაცნაირად ქვეყანაში მიწის ბაზარი ამა თუ იმ ფორმით შედგეს“,- განაცხადა გიორგი მარგველაშვილმა.

გიორგი მარგველაშვილმა სოფლის მეურნეობის მიმართულებით პროფესიული განათლების გაძლიერებასა და განვითარების მნიშვნელობაზე ისაუბრა, რაც მისი აზრით, ძალიან წაადგება ქვეყანაში სოფლის მეურნეობის განვითარებას.

საქართველოს პრეზიდენტმა ახალგაზრდა ფერმერებს საჩუქრად წიგნები გადასცა და შესაბამისი განათლების მიღებისაკენ მოუწოდა.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება