პრემიერი: დაცულ ტერიტორიებზე ვიზიტორთა რიცხვი 33%-ით გაიზარდა

პრემიერი: დაცულ ტერიტორიებზე ვიზიტორთა რიცხვი 33%-ით გაიზარდა

პრემიერმინისტრის გიორგი კვირიკაშვილის განცხადებით, დაცულ ტერიტორიებზე ვიზიტორთა რაოდენობა წინა წელთან შედარებით 33%-ით გაიზარდა და 860 ათასს მიაღწია.

"ჩვენ ძალიან გვახარებს, რომ აქედან ნახევარი არის საქართველოს მოქალაქეები, ეს იმას ნიშნავს, რომ ჩვენი მოქალაქეები დიდი ენთუზიაზმით მოგზაურობენ ასეთ ადგილებში. ჩვენთვის ასევე ისიც მნიშვნელოვანია, რომ რა თქმა უნდა ნახევარი არის უცხოელი ვიზიტორები, მსოფლიოს 97 ქვეყნიდან.

ეს არის ნათელი მაგალითი, თუ როგორ შეიძლება სწორი სახელმწიფო მექანიზმების გამოყენებით როგორც შიდა, ასევე გარე ტურიზმის წახალისება. ეს პირველ რიგში ნიშნავს გაზრდილ შემოსავლებს ჩვენი ადგილობრივი მაცხოვრებლებისთვის, ტურსიტული ინფრასტრუქტურისთვის, საოჯახო სასტუმროებისთვის, კვების ობიექტებისთვის, სატრანსპორტო საშუალებებისთვის, სავაჭრო ობიექტებისთვის და რა თქმა უნდა ადგილობრივი მოსახლეობა, რომელიც ერთვება ისეთ პროგრამებში, როგორიც არის მიკროგრანტების პროგრამა, უმასპინძლე საქართველოში, მათ აქვთ შესაძლებლობა, რომ წამოიწყონ მცირე ბიზნესი, არჩინონ საკუთარი ოჯახი“, - აღნიშნა პრემიერმინისტრმა.

მისი თქმით, მარტვილის კანიონის და მისი შემოგარენის მოსახლეობის შემოსავლება 3 მილიონ 500 ათასი ლარი შეადგინა.

„ეს სწორედ იმით არის განპირობებული, რომ იქ აშენდა ვიზიტორთა ცენტრი, ინფრასტრუქტურა მოეწყო. მინდა მადლობა გადავუხადო გარემოს დაცვის სამინისტროს, პირადად გიგლა აგულაშვილს, ის იყო ძალიან აქტიურად ჩართული ამ პროცესში, რა თქმა უნდა სხვა უწყებებსაც, რომელიც ამაში მონაწილეობდნენ. 2016 წლის შემდეგ მარტო მუნიციპალიტეტში 15 ახალი საოჯახო სასტუმრო გაიხსნა, რაც ძალიან გასახარია“, - განაცხადა გიორგი კვირიკაშვილმა.

პრემიერი: გამოძიების დასრულებამდე შახტი დაიხურება, ამ პერიოდში მეშახტეები ხელფასს აიღებენ

პრემიერი: გამოძიების დასრულებამდე შახტი დაიხურება, ამ პერიოდში მეშახტეები ხელფასს აიღებენ

16 ივლისი, 2018

ამის შესახებ განცხადებას პრემიერმინისტრი მამუკა ბახტაძე ავრცელებს. "მინდელის სახელობის შახტში დღეს დილით მორიგი ტრაგედია დატრიალდა. მთელი გულით ვუსამძიმრებ დაღუპულთა ოჯახებს და თანადგომას ვუცხადებ ამ მძიმე წუთებში. სახელმწიფო ვერ...

ახალი სტატიები
პოპულარული სტატიები