საქართველოს მთავრობა: მტკიცედ ვუჭერთ მხარს ესპანეთის სუვერენიტეტსა და ტერიტორიულ მთლიანობას

საქართველოს მთავრობა: მტკიცედ ვუჭერთ მხარს ესპანეთის სუვერენიტეტსა და ტერიტორიულ მთლიანობას

საქართველოს მთავრობა ესპანეთის ტერიტორიულ მთლიანობასთან დაკავშირებით განცხადებას ავრცელებს და აღნიშნავს, რომ მტკიცედ უჭერს მხარს ესპანეთის სამეფოს სუვერენიტეტს. საქართველოს მთავრობა ასევე გმობს კატალონიის მიერ დამოუკიდებლობის ცალმხრივად გამოცხადებას და კანონიერების აღსადგენად ესპანეთის მთავრობის მიერ განხორციელებულ მცდელობებს მხარს უჭერს.

"საქართველოს მთავრობა მტკიცედ უჭერს მხარს ესპანეთის სამეფოს სუვერენიტეტსა და ტერიტორიულ მთლიანობას საერთაშორისოდ აღიარებული საზღვრების ფარგლებში და კატალონიას განიხილავს ესპანეთის განუყოფელ ნაწილად.

საქართველოს მთავრობა გმობს კატალონიის მიერ დამოუკიდებლობის ცალმხრივად გამოცხადებას და მხარს უჭერს ესპანეთის მთავრობის მიერ განხორციელებულ მცდელობებს აღადგინოს კანონიერება და დაარეგულიროს სიტუაცია ესპანეთის კონსტიტუციის, კანონის უზენაესობისა და ესპანეთის ყველა მოქალაქის უფლებების პატივისცემით.

საქართველოს მთავრობა დიდად აფასებს ესპანეთის სამეფოსთან, როგორც ჩვენი ქვეყნის მნიშვნელოვან პარტნიორთან, მტკიცე თანამშრომლობას, რომელიც საერთო ღირებულებებსა და ტრადიციულ მეგობრულ ურთიერთკავშირებზეა დაფუძნებული",-ნათქვამია განცხადებაში.

27 ოქტომბერს, კატალონიის პარლამენტმა ესპანეთისგან დამოუკიდებლობის თაობაზე რეზოლუცია მიიღო. ხმის მიცემისას დეპუტატების უმრავლესობამ მხარი რეგიონის დამოუკიდებლობას დაუჭირა.

შეგახსენებთ, 1-ელ ოქტომბერს კატალონიაში დამოუკიდებლობის შესახებ რეფერენდუმი ჩატარდა, რომელსაც ცენტრალური ხელისუფლება უკანონოდ მიიჩნევს. ხმის მიცემა პოლიციასთან შეჯახებების ფონზე მიმდინარეობდა. სამართალდამცავებმა საარჩევნო უბნების ბლოკადა მოახერხეს, თუმცა კატალონიის ლიდერმა კარლეს პუჩდემონიმ ხმის მიცემა მაინც მოახერხა. საბოლოოდ პოლიციამ რეზინის ტყვიების სროლა დაიწყო, რის შედეგადაც, ბოლს გავრცელებული მონაცემების მიხედვით 893 ადამიანი დაშავდა.
 

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები
პოპულარული სტატიები