ციხელაშვილი: მთავრობის ძალისხმევა იქითკენაა მიმართული, რომ მოსახლეობა ღირსეულად ცხოვრობდეს

ციხელაშვილი: მთავრობის ძალისხმევა იქითკენაა მიმართული, რომ მოსახლეობა ღირსეულად ცხოვრობდეს
04 / 11 / 2017 17:35

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი გამყოფ ხაზთან მდებარე სოფლებს, ფხვენისსა და ზემო ნიქოზს სპორტის და ახალგაზრდობის საქმეთა მინისტრ, ტარიელ ხეჩიკაშვილთან ერთად ეწვია.

სოფელ ფხვენისში მთავრობის წევრები პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილთან ერთად, საფეხბურთო სკოლას ესტუმრნენ და პატარა ფეხბურთელებს საჩუქრად სფეხბურთის ფორმები და სპორტული ინვენტარი გადასცეს.

მინისტრები დაესწრნენ სოფელ ზემო ნიქოზში მეკლდეურთა კლუბის პრეზენტაციას, რომელიც სოფელში მდებარე კულტურულ-საგანმანათლებლო ცენტრის ბაზაზე სპორტის და ახალგაზრდობის სამინიტროს ხელშეწყობით დაარსდა.

ქეთევან ციხელაშვილი და ტარიელ ხეჩიკაშვილი ასევე ესტუმრნენ ნიქოზის საგანმანათლებლო ცენტრს-ხელოვნების სკოლას, რომელიც ცხინვალისა და ნიქოზის მიტროპოლიტის, მეუფე ისაიას ინიციატივით უკვე ხუთი წელია ფუნქციონირებს. ხელოვნების სკოლაში ნიქოზის და ახლომდებარე სოფლების მცხოვრები ბავშვები სხვადასხვა სფეროში იღებენ განათლებას და გამოყენებით ხელოვნებას ეუფლებიან. 

''მთავრობის თითოეული უწყების ძალისხმევა იქითკენაა მიმართული, რომ არსებული პრობლემები დაძლეულ იქნას და მოსახლეობას ღირსეული ცხოვრების შესაძლებლობა ჰქონდეს მიუხედავად იმ გამოწვევებისა, რასაც მავთულხლართები და სხვადასხვა დაბრკოლება ქმნის.

''რა თქმა უნდა, განსაკუთრებულად უნდა ვიზრუნოთ ახალგაზრდების კეთილდღეობისა და ჯანმრთელობისთვის. სასიხარულოა, რომ სპორტისა დაახალგაზრდობის საქმეთა სამინისტრო ამ რეგიონში ძალიან აქტიურია. მოსახლეობისათვის ძალიან მნიშვნელოვანია, რადგან ეს ჩვენი მომავლის, ჩვენი შვილების ჯანმრთელობასა და კარგად სწავლას უკავშირდება. მაქსიმალურად უნდა შევუწყოთ ხელი იმას, რომ ისინი ფიზიკურადაც კარგად მომზადებულები იყვნენ'',- განაცხადა ქეთევან ციხელაშვილმა. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება