კობახიძე: სახალხო დამცველის კანდიდატების დასახელება, სავარაუდოდ, მომდევნო კვირაში მოხდება

კობახიძე: სახალხო დამცველის კანდიდატების დასახელება, სავარაუდოდ, მომდევნო კვირაში მოხდება

პარლამენტის თავმჯდომარის ირაკლი კობახიძის განცხადებით, მომდევნო კვირაში დასახელდება სახალხო დამცველის კანდიდატურები.

როგორც მან განაცხადა, წინასწარი კონსულტაციები აღნიშნულზე გაიმართა, თუმცა კანდიდატების დასახლება სავარაუდოდ, მომავალი კვირის განმავლობაში მოხდება.

"წინასწარი კონსულტაციები ჩვენ აღნიშნულზე გვქონდა. თუმცა, რაც შეეხება კანდიდატების დასახელებას ეს უახლოეს მომავალში მოხდება. სავარაუდოდ, მომავალ კვირაში. კრიტერიუმები ობიექტური იქნება. ჩვენ უნდა შევარჩიოთ ისეთი კანდიდატი, რომელიც საუკეთესოდ უზრუნველყოფს საქართველოში ადამიანის უფლებების დაცვის ზედამხედველობას",- განაცხადა კობახიძემ.

ჟურნალისტების კითხვაზე, თუ რა კრიტერიუმებს უნდა აკმაყიფილებდეს სახალხო დამცველის კანდიდატი, კობაკიძემ განაცხადა:

"ეს არის, რა თქმა უნდა მიუკერძოებლობა, მათ შორის პოლიტიკური მიუკერძოებლობა, რაც ძალიან მნიშვნელოვანია. ეს არის კეთილსინდისიერება, პატიოსნება და, რა თქმა უნდა შესაბამისი კვალიფიკაცია, ადამიანის უფლებების სიღრმისეული ცოდნა. ეს იქნება ის კრიტერიუმები, რომლის საფუძველზეც შესაბამისი კანდიდატი შეირჩევა".

ცნობისთვის, დღეს თბილისში სასტუმრო "რედისონ ბლუ ივერიაში" საქართველოს პარლამენტის მასპინძლობითა და შრომის საერთაშორისო ორგანიზაციის მხარდაჭერით კონფერენცია " შრომითი უფლებები საქართველოში-ცვლილებების დღის წესრიგი" გაიმათა. კონფერენცია მისასალმებელი სიტყვით პარლამენტის თავმჯდომარემ, ირაკლი კობახიძემ გახსნა.

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები