ჭიაბერაშვილი: ჩატაევმა საქართველოში შემოსვლა თუ მოახერხა, მაშინ ჩვენი მოქალაქეები დაუცველები არიან

ჭიაბერაშვილი: ჩატაევმა საქართველოში შემოსვლა თუ მოახერხა, მაშინ ჩვენი მოქალაქეები დაუცველები არიან

"თუ აღმოჩნდება, გარდაცვლილი მართლაც ახმედ ჩატაევია ეს ნამდვილად თითოეულ მოქალაქეს აფიქრებინებს, რომ ისინი დაუცველები არიან", - "ევროპული საქართველოს" წევრი ზურაბ ჭიაბერაშვილმა განაცხადა.

ევროპული საქართველოს წევრის ზურაბ ჭიაბერაშვილის თქმით, ჩატაევის ქვეყანაში შემოსვლა ნიშნავს, რომ მოშლილია ყველა სტრუქტურა.

"თუ აღმოჩნდება, რომ ეს გარდაცვლილი მართლაც ახმედ ჩატაევია და მან მოახერხა საქართველოს ტერიტორიაზე შემოსვლა, ეს ნამდვილად თითოეულ მოქალაქეს აფიქრებინებს, რომ ისინი დაუცველები არიან და ძალიან ბევრ ეჭვებს აღძრავს ჩვენი სამართალდამცავი ორგანოების უნარიანობასა და კომპეტენციასთან დაკავშირებით,“ - „ევროპული საქართველოს",- განაცხადა ზურაბ ჭიაბერაშვილმა.

ცნობისთვის, სახელმწიფო უსაფრთოხების სამსახურის ხელმძღვანელმა, ვახტანგ გომელაურმა არ გამორიცხა, რომ შესაძლოა სპეცოპერაციის დროს ერთ-ერთი ლიკვიდირებული პირი ახმედ ჩატაევი იყოს.

თბილისში, ბერი გაბრიელ სალოსის ქუჩაზე სახელმწიფო უსაფრთხოების სამსახურის კონტრტერორისტული ცენტრის მიერ ჩატარებული სპეცოპერაცია 1 დაკავებულით, 3 ლიკვიდირებულით, 1 დაღუპულით, 4 დაჭრილით დასრულდა.

შეგახსენებთ, 34 წლის ახმედ ჩატაევი (იგივე ახმედ შიშანი) ცნობილი ჩეჩენი მებრძოლია. მისი სახელი ფიგურირებს ლაფანყურის გახმაურებულ საქმეშიც.

2007 წლის მარტში, ჩატაევი იარაღის ტარების ბრალდებით, შვედეთში დააკავეს. 2010 წლის იანვარში კი უკრაინაში დააპატიმრეს.

ჩატაევის მორიგი დაპატიმრება ლაფანყურის მოვლენებს უკავშირდება. ჩატაევი სპეცოპერაციის შედეგად დააპატიმრეს, ხოლო 2013 წელს სასამართლომ გაათავისუფლა და მან ქვეყანა დატოვა.

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები