იუსტიციის სამინისტრო: ხათუნა გოგორიშვილი ცრუობს

იუსტიციის სამინისტრო: ხათუნა გოგორიშვილი ცრუობს

ხათუნა გოგორიშვილის განცხადება, რომ იუსტიციის სამინისტრომ უარი უთხრა მას ინფორმაციის გაცემაზე, სიცრუეა. ამის შესახებ იუსტიციის სამინისტროში აცხადებენ.

უწყების ინფორმაციით, ხათუნა გოგორიშვილმა 2017 წლის 25 აპრილს მიმართა იუსტიციის სამინისტროს და მოითხოვა ინფორმაცია ცენტრალური აპარატისა და სსიპ-ების თანამდებობის პირების 2016 წლის შრომის ანაზღაურების რაოდენობის თაობაზე.

30 მაისს დეპუტატს გაეგზავნა საპასუხო წერილი დანართი დოკუმენტებით, რომლებშიც წარმოდგენილი იყო ინფორმაცია სსიპ-ების ხელმძღვანელების შრომის ანაზღაურებაზე. რაც შეეხება სამინისტროს ცენტრალური აპარატის თანამდებობის პირების შრომის ანაზღაურების საკითხს, წერილში აღნიშნული იყო, რომ იუსტიციის სამინისტროს თანამშრომელთა, მათ შორის, თანამდებობის პირთა, შრომის ანაზღაურების შესახებ ინფორმაცია პროაქტიულად ქვეყნდება იუსტიციის სამინისტროს ვებგვერდზე. წერილში მითითებული იყო ელექტრონული მისამართი სამინისტროს საიტიდან, სადაც ნებისმიერ მსურველს შეუძლია ნახოს ინფორმაცია http://justice.gov.ge/Ministry/Index/469.

"იუსტიციის სამინისტრო მითითებულ ელექტრონულ მისამართზე პროაქტიულად აქვეყნებს ინფორმაციას არა მარტო თანამშრომლების შრომით ანაზღაურების თაობაზე, არამედ − სახელმწიფო შესყიდვების, ბალანსზე რიცხული უძრავი და მოძრავი ქონების, მივლინების, საკომუნიკაციო, საწვავის და სხვა ხარჯების შესახებ", - აცხადებენ იუსტიციის სამინისტროში.

ხათუნა გოგორიშვილმა უმცირესობის ფრაქციის სხდომაზე განაცხადა, რომ იუსტიციის სამინისტრომ არ მისცა ინფორმაცია სამინისტროს თანამდებობის პირთა და სსიპ-ების ხელმძღვანელების 2016 წლის შრომის ანაზღაურების შესახებ.
 

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

უსუფაშვილი: სალომე ზურაბიშვილი ღირსეული კანდიდატია, სიამოვნებით ვეპაექრები

07 აგვისტო, 2018

სალომე ზურაბიშვილი ღირსეული კანდიდატია, სიამოვნებით ვეპაექრები,-ამის შესახებ „შენების მოძრაობის“ საპრეზიდენტო კანდიდატმა, დავით უსუფაშვილმა ჟურნალისტებთან განაცხადა. „ქართულმა ოცნებამ“ ვერ შეძლო საკუთარ წიაღში საპრეზიდენტო...

ახალი სტატიები
პოპულარული სტატიები