კახა კალაძე: არ უნდა მოგვერიდოს პასუხისმგებლობის აღების

კახა კალაძე: არ უნდა მოგვერიდოს პასუხისმგებლობის აღების

„ჩვენ არ უნდა მოგვერიდოს პასუხისმგებლობის აღების. ზუსტად იმიტომ ვართ აქ, რომ განვახორციელოთ რეფორმები და პროექტები“, - ამის შესახებ დედაქალაქის მერმა კახა კალაძემ თბილისის მთავრობის დღევანდელ სხდომაზე განაცხადა, სადაც თვენახევრიანი მუშაობის შედეგები შეაჯამა.

თბილისის მერმა, დღევანდელ სხდომაზე დედაქალაქის მთავრობის მიერ განხორციელებულ ერთ-ერთ საკითხს გაუსვა ხაზი და განაცხადა:

„დედაქალაქში უკანონო მშენებლობის უამრავი ფაქტი ფიქსირდება, რომელთა მესაკუთრეებსაც ზედამხედველობის სამსახურმა გარკვეული ვადა მისცა, რათა უკანონო შენობა-ნაგებობების დემონტაჟი თავად განახორციელონ, წინააღმდეგ შემთხვევაში, კანონით გათვალისწინებული ნორმები იმოქმედებს.

კიდევ ერთხელ ვიმეორებ, სამშენებლო ბიზნესის განვითარება უნდა მოხდეს სამშენებლო ნორმების დაცვით, ადამიანის უსაფრთხოების გათვალისწინებითა და გარემოს დაბინძურების თავიდან აცილებით.

სამწუხაროდ, მშენებლობების მიმდინარეობისას დარღვევებს ძალიან ხშირად ვაწყდებით. ზედამხედველობის სამსახურის მიერ სხვადასხვა მიმართულებით, 216 მითითება გაიცა, რომელიც უსაფრთხოების ნორმებს, ასევე, უკანონო და პროექტით დარღვევის მშენებელობებს ეხება. რაც შეეხება სახელმწიფო მიწაზე უნებართვო მშენებლობებს, ამაზე ბევრი ვისაუბრეთ, რომ მიზამიმართულად ხდება მიწების დატაცება. დაახლოებით ასეთი 500-მდე ობიექტია გამოვლენილი. მათგან წარმოება დაწყებულია 270 ობიექტზე. მომდევნო წლების განმავლობაში ამ მიმართულებას განსაკუთრებულ ყურადღევას მივაქცევთ.

რა თქმა უნდა ჩვენ მშენებლობებს არ ვეწინააღმდეგებით, მაგრამ ეს უნდა მოხდეს კანონის ფარგლებში“, - განაცხადა კახა კალაძემ.
 

თემები:
ზვიად დევდარიანი 8 პირის წინააღმდეგ სასამართლოში სარჩელს შეიტანს

ზვიად დევდარიანი 8 პირის წინააღმდეგ სასამართლოში სარჩელს შეიტანს

06 ივნისი, 2018

"სიდას" ყოფილი ხელმძღვანელი ზვიად დევდარიანი პატივის, ღირსებისა და საქმიანი რეპუტაციის შელახვისთვის 8 ივნისს სამოქალაქო კოლეგიაში სარჩელს 8 პირის წინააღმდეგ შეიტანს. როგორც მისმა ადვოკატმა დიმიტრი გაბუნიამ დღეს ჟურნალისტებს განუცხადა...

ახალი სტატიები