ირაკლი კობახიძე სომხეთის რესპუბლიკის პრეზიდენტს, სერჟ სარქისიანს შეხვდა

ირაკლი კობახიძე სომხეთის რესპუბლიკის პრეზიდენტს, სერჟ სარქისიანს შეხვდა

საქართველოს პარლამენტის თავმჯდომარე ირაკლი კობახიძე სომხეთის რესპუბლიკის პრეზიდენტს, სერჟ სარქისიანს შეხვდა. ირაკლი კობახიძის განცხადებით, სომხეთის პრეზიდენტის საქართველოში ვიზიტი ორ ქვეყანას შორის მეგობრული და კეთილმეზობლური ურთიერთობების კიდევ ერთი დასტურია.

ირაკლი კობახიძემ სერჟ სარქისიანს ბორჯომის ხეობაში ხანძრის სალიკვიდაციო სამუშაოებში სომხეთის მიერ გაწეული დახმარებისთვის მადლობა გადაუხადა და აღნიშნა, რომ ქართველი ხალხი მძიმე წუთებში სომეხი ერის თანადგომას დიდად აფასებს.

საქართველოს პარლამენტის თავმჯდომარემ განაცხადა, რომ ბოლო პერიოდში ორმხრივ ურთიერთობაში მნიშვნელოვანი პროგრესია და გაცვლით მაღალი დონის ვიზიტებს თანამშრომლობის გაღრმავებაში განსაკუთრებული წვლილი შეაქვს. მხარეებმა აღნიშნეს, რომ მეგობრული ურთიერთობის ჩამოყალიბებასა და გააქტიურებაში განსაკუთრებული მნიშვნელობა ხალხთა შორის ურთიერთობას ენიჭება და დაადასტურეს, რომ როგორც საქართველოს, ასევე, სომხეთის პარლამენტი ამ პროცესში წვლილის შეტანისთვის მზადაა. სერჟ სარქისიანის განცხადებით, საქართველოსა და სომხეთს მეზობლობის გარდა, მრავალსაუკუნოვანი კავშირი აქვთ, რაც ორივე ქვეყნისთვის ურთიერთობის კიდევ უფრო გამყარების ვალდებულებას ქმნის.

ხაზგასმით აღინიშნა ორმხრივი ურთიერთობების გაღრმავებაში საპარლამენტთაშორისო თანამშრომლობის როლი. მხარეების თქმით, უმაღლეს საკანონმდებლო ორგანოებს შორის დინამიური ურთიერთობა განსაკუთრებით მნიშვნელოვანია იმის გათვალისწინებითაც, რომ უახლოეს მომავალში საქართველო და სომხეთი სრულად საპარლამენტო მმართველობის სისტემაზე გადადიან. შეხვედრაზე შეთანხმდნენ, რომ აქტიურად იმუშავებენ საპარლამენტო მეგობრობის ჯგუფები.

მხარეებმა ორმხრივი დარგობრივი თანამშრომლობის განვითარების საკითხებზე ისაუბრეს და ყურადღება ტურიზმის სფეროში თანამშრომლობის მნიშვნელობაზე გაამახვილეს.

საქართველოს პარლამენტის თავმჯდომარემ პრეზიდენტს ქვეყნის შიდა რეფორმების დღის წესრიგი და საგარეო პოლიტიკის პრიორიტეტები გააცნო. თავის მხრივ, სომხურმა მხარემ ირაკლი კობახიძე ვიზიტით სომხეთში კიდევ ერთხელ მიიწვია.

ნუკრი ქანთარია: "ხვალ გამოჩნდება ვინ არის ერთგული, ვის უფრო უყვარს მამული"

ნუკრი ქანთარია: "ხვალ გამოჩნდება ვინ არის ერთგული, ვის უფრო უყვარს მამული"

18 აპრილი, 2018

"ხვალ გამოჩნდება ვინ არის ერთგული, ვის უფრო უყვარს მამული" - ამის შესახებ ჟურნალისტებთან საპარლამენტო უმრავლესობის წევრმა ნუკრი ქანთარიამ განაცხადა. ქანთარიას განცხადებით, თუ კონკრეტულად რაზე იქნება საუბარი სხდომის დასრულების შემდეგ...

ახალი სტატიები
პოპულარული სტატიები