გია ვოლსკი: გირგვლიანის საქმეში სააკაშვილი ჭანჭიკი კი არა, დამნაშავეა

გია ვოლსკი: გირგვლიანის საქმეში სააკაშვილი ჭანჭიკი კი არა, დამნაშავეა

მიხეილ სააკაშვილი ჭანჭიკი არ არის, მთელი შემოქმედია ამ სისტემის, ის გირგვლიანის საქმეში დამნაშავეა“, - ასე პასუხობს საპარლამენტო უმრავლესობის წევრი გია ვოლსკი პრეზიდენტის საპარლამენტო მდივნის ანა დოლიძის განცხადებას იმასთან დაკავშირებით, რომ გირგვლიანის საქმეში სააკაშვილი „ერთი ჭანჭიკია“, მთავარი „შემოქმედი“ კი სასამართლო სისტემაა, რომლის მოსამართლეები მოქმედი ხელისუფლების პირობებში არა თუ გათავისუფლდნენ თანამდებობებიდან, არამედ დაწინაურდნენ.

„სააკაშვილი ჭანჭიკი კი არ არის, მთელი შემოქმედია ამ სისტემის. ამ სისტემიდან 81 ადამიანი გასამართლდა, მათ შორის სანდრო გირგვლიანის თემასთან დაკავშირებით ვანო მერაბიშვილს და ბაჩო ახალაიასაც წარდგენილი აქვს, კიდევ ბევრი სხვა არის, მათი გვარები და თანამდებობები შორს წაგვიყვანს.
სახელმწიფო სისტემა შეიქმნა ასეთი, კანონები შეიქმნა ისეთი, მოსამართლეებს მიეცათ ისეთი მითითება, რომ შექმნილიყო და სტრასბურგის ეს დადგენილება დამდგარიყო“, - აღნიშნა გია ვოლსკიმ „რუსთავი 2“-ის ეთერში.

ჟურნალისტის კითხვაზე, „რატომ ჩააბარეთ სანდრო გირგვლიანის მოსამართლეს ლევან მურუსიძეს სასამართლო სისტემა?“, ვოლსკიმ უპასუხა: „საიდან მოიტანეთ, რომ სასამართლო სისტემა ლევან მურუსიძეს ჩავაბარეთ? სულელური შეკითხვაა და ვერ მოგცემთ ამაზე პასუხს, რას ქვია ჩავაბარეთ, სად არის მურუსიძე? თქვენ ამ სასამართლოსთან დაკავშირებით კონკრეტულად რა პრეტენზიები გაქვთ? რომელ განაჩენთან დაკავშირებით გაქვთ პრეტენზიები? რატომ გგონიათ რომ სასამართლოს ან მურუსიძის ადვოკატად მოვედი თქვენს გადაცემაში?. მე გეტყვით რატომ აკეთებთ ამას, რომ შექმნათ სიტუაცია - ჭანჭიკია საწყალი სააკაშვილი და მას არაფერი დაუშავებია“.

ცნობისთვის, თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და სანდრო გირგვლიანის საქმეზე მსჯავრდებული პირების შეწყალებისას სამსახურებრივი უფლებამოსილების ბოროტად გამოყენების ფაქტზე დამნაშავედ სცნო და გამამტყუნებელი განაჩენი გამოიტანა საქართველოს ყოფილი პრეზიდენტის მიხეილ სააკაშვილის მიმართ, საქართველოს სისხლის სამართლის კოდექსის 332-ე მუხლის მეორე ნაწილით.
 

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები