პრეზიდენტი: საქართველოში მართლმსაჯულების სისტემა აქილევსის ქუსლად რჩება

პრეზიდენტი: საქართველოში მართლმსაჯულების სისტემა აქილევსის ქუსლად რჩება
08 / 01 / 2018 15:39

"დამოუკიდებელი საქართველოს ისტორიაში, მართლმსაჯულების სისტემა რჩება იმ აქილევსის ქუსლად, რომელიც პრობლემად გასდევს ფაქტიურად ყველა ხელისუფლებას", - ამის შესახებ საქართველოს პრეზიდენტმა გიორგი მარგველაშვილმა პრეზიდენტის ადმინისტრაციაში გამართულ ბრიფინგზე განაცხადა, სადაც მან ანა დოლიძე იუსტიციის უმაღლესი საბჭოს არამოსამართლე წევრად დანიშნა.

მისი თქმით, როდესაც 2012 წელს ხელისუფლება შეიცვალა, ყველას ქონდა მოლოდინი, რომ მართლმსაჯულების სისტემა თვისობრივად გაუმჯობესდებოდა.

"თუმცა, დღეს შეიძლება ითქვას, რომ საზოგადოების ნდობა, ზოგადად მართლმასჯულების მიმართ, სამწუხაროდ ბევრ კითხვას ვერ პასუხობას. არადა დამოუკიდებელი სასამართლო არის ერთ-ერთი მთავარი ფუნდამენტი ჩვენი სახელწმიფოებრიობის. ის არა მარტო უზრუნველყოფს ჩვენი მოქალაქეების სამართლებრივ დაცულობას, არამედ არის ერთ-ერთი უმნიშვნელოვანესი გარანტი ჩვენი სახელმწიფოს ბალანსისა და გაწონასწორების მექანიზმების, ანუ დემოკრატიული და სამართლებრივი სახელმწიფოს ეფექტური ფუქნციონირების. ხოლო, იუსტიციის უმაღლესი საბჭო არის ერთ-ერთი იმ ორგანოთაგანი, რომელიც თავისი მანდატით ევალება უზრუნველყოს მართლმსაჯულების სისტემის ეფექტურობა და დამოუკდიებელი ფუნქციონირება.

არაერთხელ ჩვენ აღგვინიშნავს იმის თაობაზე, რომ მართლსამჯულების სისტემაში საკანონმდებლო ბაზა ჯერ კიდევ დასახვეწია.

მათ შორის იმაზეც გაგვისვამს ხაზი, რომ იუსტიციის უმაღლესი საბჭოს საკანონმდებლო ბაზა, რომელიც ბოლომდე გამჭვირვალეს და ეფექტურს გახდიდა ამ ორგანოს, ესეც გასაკეთებელია.

თუმცა, არაერთხელ აღმინიშნავს მე იმის თაოაბზე, რომ მარტო საკანონმდებლო ბაზით, განსაკუთრებით ისეთი ფაქიზი სისტემა , როგორიცაა სასამართლო სისტემა, ქვეყნის მართლმსაჯულება, ვერ უზრუნველყოფს თვისობრივად უფრო ახალ და მაღალ საფეხურზე გადასვლას.

ამ როლს თამაშობენ ის ადამიანები, რომლებიც თავიანთი პროფესიონალიზმით, პრინციპულობით, თავიანთი ერთგულებით, უზენაესი ღირებულებების მიმართ, ხაზს ვუსვამ არაპოლიტიკური კონიუქტურის, არამედ იმ უზენაესი ღირებულებების მიმართ, რომელსაც თითოეული მოქალაქე და განსაკუთრებით კი მოსამართლე უნდა ემსახურებოდეს.

ამ ადამიანებით შენდება უკეთესი სამართსლებრივი სისტემა. სწორედ ამიტომ, ჩემი გადაწყვეტილება, დავნიშნო ამ მაღალ და უაღესად საპასუხისმგებლო თანამდებობაზე ანა დოლიძე. დოლიძე არის გამაგრებული პროფესიონალიზმით, სიმამაცით, ღირებულებებისადმი ერთგულებით და ამ ყველაფრით არა თეორიულად, არამედ ბევრი წლის განმავლობაში, რომლის დროსაც ქალბატონი ანა ამტკიცებდა თავის უნარს, იყოს უაღრესად კვალიფიციური, მამაცი და ქვეყნის ღირებულებების, უზენაესი ღირებულებების ერთგული იურისტი", - აღნიშნა გიორგი მარგველაშვილმა. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება