ანა ნაცვლიშვილი: ქართული საზოგადოებისთვის ისეთივე ღია დავრჩები, როგორიც აქამდე ვიყავი

ანა ნაცვლიშვილი: ქართული საზოგადოებისთვის ისეთივე ღია დავრჩები, როგორიც აქამდე ვიყავი

საქართველოს პრეზიდენტმა გიორგი მარგველაშვილმა ანა ნაცვლიშვილი პრეზიდენტის საპარლამენტო მდივნად დაასახელა. ნაცვლიშვილი მარგველაშვილმა რამდენიმე წუთის წინ წარუდგინა საზოგადოებას, სადაც მათ ერთობლივი ბრიფინგი გამართეს.

როგორც ანა ნაცვლიშვილმა აღნიშნა, ის ისევე ღია იქნება საზოგადოებისთვის, როგორც აქამდე იყო.

"ჩემთვის იქნება უდიდესი პასუხისმგებლობა და ძალიან დიდი პატივი თქვენთან ერთად და ადმინისტრაციასთან ერთად ახლა უკვე პრეზიდენტის საპარლამენტო მდივნის სტატუსთ გავაგრძელო მუშაობა და წვლილის შეტანა იმ უდიდეს საქმეში, რასაც ჰქვია საქართველოსთვის მაღალი სტანდარტის საკანონმდებლო ბაზის შექმნა, სახელმწიფო ინსტიტუტების და დემოკრატიის დაცვა და განმტკიცება ჩვენ ქვეყანაში.

მაქვს მზაობა და იმედი იმისა, რომ ჩვენი თანამშრომლობა და მუშაობა როგორც საქართველოს საკანონმდებლო ორგანოსთან, ასევე საკანონმდებლო პროცესით დაინტერესებულ და ამ პროცესში ჩართულ ყველა სახელმწიფო უწყებასთან იქნება დაფუძნებული პატივისცემის პრინციპზე, იქნება კონსტრუქციული და შედეგიანი. ბუნებრივია ქართული საზოგადოებისთვის დავრჩები ისეთივე ღია, როგორიც აქამდე ვიყავი", - განაცხადა ანა ნაცვლიშვილმა.

შეგახსენებთ, პრეზიდენტის საპარლამენტო მდივნის თანამდებობა ვაკანტური მას შემდეგ გახდა, რაც პრეზიდენტმა მოქმედი საპარლამენტო მდივანი ანა დოლიძე იუსტიციის უმაღლესი საბჭოს წევრად დანიშნა. ანა ნაცვლიშვილი 2014 წლის დეკემბრიდან 2017 წლის დეკემბრამდე იყო საია-ს თავმჯდომარე.

თემები:
პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

12 ივლისი, 2018

საქართველოს პრეზიდენტმა გიორგი მარგველაშვილმა ნატოს სამიტზე, ნატო - საქართველო - უკრაინის ფორმატის სხდომის ფარგლებში მოკლე შეხვედრა გამართა აშშ-ს პრეზიდენტთან დონალდ ტრამპთან, სადაც საქართველოს პრეზიდენტმა კიდევ ერთხელ ხაზი გაუსვა იმას, თუ...

ახალი სტატიები
პოპულარული სტატიები