ნაცვლიშვილი: აზრთა სხვადასხვაობა იქნება, თუმცა მნიშვნელოვანია ეს ეთიკის ფარგლებში დარჩეს

ნაცვლიშვილი: აზრთა სხვადასხვაობა იქნება, თუმცა მნიშვნელოვანია ეს ეთიკის ფარგლებში დარჩეს

პრეზიდენტის საპარლაენტო მდვანი ანა ნაცვლიშვილის განცხადებით, მნიშვნელოვანია, სამართლებრივ საკითხებთან დაკავშირებით აზრთა სხვადასხვაობა ეთიკის ფარგლებში დაფიქსირდეს.

ნაცვლიშვილი იმედს გამოთქვამს, რომ საკანონმდებლო ორგანოს წარმომადგენლებსაც იგივე პოზიცია ექნებათ.

„პრეზიდენტის საპარლამენტო მდივანი, ეს არის პრეზიდენტის სრულუფლებიანი წარმომადგენელი პარლამენტში. შესაბამისად, მე ვიქნები იმ პოზიციების გამჟღერებელი და დამცველი, რაც ექნება პრეზიდენტს და ძალიან დიდი იმედი მაქვს, და სრულიად მზად ვარ იმისთვის, რომ ეს ურთიერთობები დაფუძნებული იყოს ურთიერთპატივისცემის და შედეგიანი თანამშრომლობის პრინციპებზე. აზრთა სხვადასხვაობები ალბათ იქნება, სამართლებრივ საკითხებთან დაკავშირებით, მაგრამ ძალიან მნიშვნელოვანია, ეს აზრთა სხვადასხვაობები დარჩეს კონსტრუქციულობის და ეთიკის ფარგლებში.

მე ამისთვის რა თქმა უნდა ყველაფერს გავაკეთებ და იმედი მაქვს, ასეთივე იქნება პარლამენტის განწყობაც.

ამ თანამდებობაზე მთავარი სირთულე და გამოწვევა არის ის, რომ ჩემი საქმიანობა და ურთიერთობა პარლამენტთან, მივიდეს კონკრეტულ შედეგებამდე, რომელიც ამ ქვეყნისთვის და ქვეყნის მოქალაქეებისთვის , მისი მომავლისთვის, დემოკრატიის დაცვისა და განმტკიცებისთვის იქნება მნიშვნელოვანი და ღირებული შენატანი.

მიუხედავად აზრთა სხვადასხვაობებისა, კონკრეტულ სამართლებრივ საკითხებთან, ჩემი, ისევე როგორც პარლამენტარების, ყველა სახელმწიფო უწყების ამოსავალი წერტილი იქნება ამ ქვეყნის კონსტიტუცია და ქვეყნის ინტერესები. თუ ყველა ამ სტანდარტით ვიხელმძღვანელებთ, მე დარწმუნებული ვარ, რომ უკეთესი შედეგები დაიდება ამ ქვეყნისთვის და არა კონკრეტული ადამიანებისთვის“, - განაცხადა ანა ნაცვლიშვილმა „იმედის“ ეთერში.

თემები:
პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

პრეზიდენტის ადმინისტრაციის ინფორმაციით, გიორგი მარგველაშვილი დონალდ ტრამპს შეხვდა

12 ივლისი, 2018

საქართველოს პრეზიდენტმა გიორგი მარგველაშვილმა ნატოს სამიტზე, ნატო - საქართველო - უკრაინის ფორმატის სხდომის ფარგლებში მოკლე შეხვედრა გამართა აშშ-ს პრეზიდენტთან დონალდ ტრამპთან, სადაც საქართველოს პრეზიდენტმა კიდევ ერთხელ ხაზი გაუსვა იმას, თუ...

ახალი სტატიები