კახა კალაძე: დედაქალაქის ისტორიული იერსახის აღდგენისთვის 62 მილიონი ლარია გამოყოფილი

კახა კალაძე: დედაქალაქის ისტორიული იერსახის აღდგენისთვის 62 მილიონი ლარია გამოყოფილი

2018 წელს თბილისის მუნიციპალიტეტის მთავრობა პირველად დღეს შეიკრიბა, სადაც დედაქალაქის მერმა კახა კალაძემ წლის გეგმებზე ისაუბრა.

მისი თქმით, 2018 წელს სხვა საკითხებთან ერთად, პრიორიტეტული იქნება დედაქალაქის სატრანსპორტო სისტემის განვითარება, კერძოდ, მუნიციპალური ტრანსპორტის გაუმჯობესება.

"ამ მიმართულებით იგეგმება მნიშვნელოვანი ღონისძიებები, რათა დედაქალაქის მოსახლეობისთვის კომფორტული გახდეს საზოგადოებრივი ტრანსპორტი. გარდა ამისა, განხორციელდება საგზაო პროექტები, რომლებიც დედაქალაქის კონკრეტულ მონაკვეთებში მნიშვნელოვნად განტვირთავს საავტომობილო მოძრაობას. ჩვენ ვიცით, რომ ამ მიმართულებით სერიოზული უკმაყოფილებაა და პრობლემა არის საცობების თვალსაზრისით", - განაცხადა კახა კალაძემ.

თბილისის მერის ინფორმაციით, დედაქალაქის ისტორიული იერსახის აღდგენისთვის წელს 62 მილიონი ლარია გამოყოფილი.

"2018 წლის ერთ-ერთი პრიორიტეტი დედაქალაქის ისტორიული იერსახის აღდგენა იქნება. ჩვენ გასული წლის ბოლოს დავიწყეთ ორბელიანის მოედნის და მიმდებარე ქუჩების სარეაბილიტაციო სამუშაოები და იქ არსებული შენობა-ნაგებობების რეკონსტრუქცია-რესტავრაცია. წელსაც გამოყოფილი იქნება 62 მილიონი ლარი, რათა ისტორიული უბნების რეაბილიტაცი განხორციელდეს და აქ ყველაზე მთავარი და მნიშვნელოვანი არის ის, რომ ამ პროცესში პრიორიტეტული ძველი თბილისის იერსახის შენარჩუნება იქნება. წელსვე დაგეგმილი გვაქვს გუდიაშვილის მოედნის სარეაბილიტაციო სამუშაოების დაწყება, მშრალი ხიდის და მისი მიმდებარე 9 მარტის ბაღის სრული რეაბილიტაციაც.

მე მგონია, რომ ძველი თბილისის იერსახის აღდგენა და რეაბილიტაცია ჩვენი გუნდისთვის ამ ოთხი წლის განმავლობაში არის განსაკუთრებულად მნიშვნელოვანი, რადგან ეს არის ის სიმდიდრე, რომელიც ჩვენს დედაქალაქს გააჩნია და ამ ყველაფერს ჭირდება მოვლა-პატრონობა“, - აღნიშნა კახა კალაძემ.

ზვიად დევდარიანი 8 პირის წინააღმდეგ სასამართლოში სარჩელს შეიტანს

ზვიად დევდარიანი 8 პირის წინააღმდეგ სასამართლოში სარჩელს შეიტანს

06 ივნისი, 2018

"სიდას" ყოფილი ხელმძღვანელი ზვიად დევდარიანი პატივის, ღირსებისა და საქმიანი რეპუტაციის შელახვისთვის 8 ივნისს სამოქალაქო კოლეგიაში სარჩელს 8 პირის წინააღმდეგ შეიტანს. როგორც მისმა ადვოკატმა დიმიტრი გაბუნიამ დღეს ჟურნალისტებს განუცხადა...

ახალი სტატიები