სოფო კილაძე: ჩვენს ქვეყანაში ტერაქტები არ ხდება და ამას დაფასება სჭირდება

სოფო კილაძე: ჩვენს ქვეყანაში ტერაქტები არ ხდება და ამას დაფასება სჭირდება

„ჩვენი სპეცსამსახურები ძალიან ეფექტანად ახერხებენ იმას, რომ აღკვეთონ ტერაქტები. ვიცით, რომ ტერაქტები არაერთ ძალიან განვითარებულ და დაცულ ქვეყანაში განხორციელდა, რასაც სამწუხაროდ ასეულობით და ათასეულობით მშვიდობიანი მოქალაქის სიცოცხლე შეეწირა. ეს საბედნიეროდ საქართველოში არ ხდება და ამას დაფასება სჭირდება“, - ამის შესახებ ადამიანის უფლებათა დაცვის კომიტეტის თავმჯდომარემ სოფო კილაძემ ტელეკომპანია „იმედის“ ეთერში განაცხადა.

მისი თქმით, საქართველო მსოფლიოში ერთ-ერთი უსაფრთხო ქვეყანაა და ამას აშშ-ც აცხადებს.

„ჩემთვის მნიშვნელოვანია, საქართველო იყოს უსაფრთხო ქვეყანა. მაშინ პატარა ვიყავი, მაგრამ ძალიან კარგად მახსოვს, 90-იანი წლები, როდესაც ქვეყანაში იყო დესტაბილიზაცია და იქ ადამიანის უფლებების დაცვაზეც კი საუბარი ზედმეტი იყო.

დღეს ჩვენ გვაქვს დაცული სახელმწიფო, ამ ურთულეს რეგიონში გვაქვს საქართველო, რომელიც აშკარად ძალიან ეფექტიანად ებრძვის ტერორიზმს. ღმერთს მადლობა და ასევე მადლობა იმ ადამიანებს, რომლებიც ყოველდღიურად მუხლჩაუხრელად მუშაობენ იმისთვის, რომ ჩვენს ქვეყანაში ტერორისტების საპარპაშო არეალი არ იყოს. სწორედ ამის დამსახურებაა, დღეს აშშ აცხადებს, რომ საქართველო არის ერთ-ერთი მოწინავე ქვეყანა, და ერთ-ერთი ყველაზე უსაფრთხო ქვეყანა არა მხოლოდ რეგიონში, არამედ მთელ მსოფლიოში, და რეკომენდაციას აძლევს თავის მოქალაქეებს, რომ იმოგზაურონ საქართველოში“, - აღნიშნა სოფო კილაძემ.
 

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები