კალაძე: "სითი ინსტიტუტმა" დღის ბოლომდე წარმოადგინოს ვადები როდის შეძლებს დოკუმენტის სრულყოფას

კალაძე: "სითი ინსტიტუტმა" დღის ბოლომდე წარმოადგინოს ვადები როდის შეძლებს დოკუმენტის სრულყოფას

"დღის ბოლომდე წარმოადგინონ გონივრული ვადა თუ როგორ და რა ვადებში შეძლებენ ამ დოკუმენტის სრულყოფას",- ამის შესახებ კალაძემ საგანგებო ბრიფინგზე განაცხადა.

"მოგეხსენებათ, თბილისის ურბანული განვითარება ჩვენი პრიორიტეტია. ჩვენ მოსახლეობას დავპირდით, რომ შევიმუშავებდით თბილისის მიწათსარგებლობის ისეთ გენერალურ გეგმას, რომელიც უზრუნველყოფს ქალაქის მდგრად და სტაბილურ განვითარებას. თბილისის მიწათსარგებლობის ეფექტიანი გეგმის შემუშავება ქალაქის სტრატეგიულად სწორი განვითარებისთვის სტრატეგიულად მნიშვნელოვანია. მიწათსარგებლობის გენგგმა არის ურთულესი კომპელქსური დოკუმენტი, რომელიც შედგება არსებული მდგომარეობის სხვადასხვა ასპექტის შესწავლის, კვლევის გაანალიზებული მონაცემების გათვალისწინებული და თანამედროვე გამოცდილებით მიღებული სტრატეგიული გადაწყვეტილებებისგან.

ისეთი პრიორიტეტული მიმართულებები, როგორიცაა განაშენიანების გეგმაზომიერი და მდგრადი განვითარება. ეკონომიკური მდგომარეობის სწრაფი ზრდა, სატრანსპორტო ინფრასტრუქტურის პრობლემის გადაწყვეტა. ეკოლოგიური მდგომარეობის შესაბამისობაში მოყვანა, ისტორიული და კულტურული მემკვიდრეობის შენარჩუნება და მოვლა.

მინდა ვთქვა, რომ გენგეგმის შესამუშავებლად არქიტექტურის სამსახურსა და სითი ინსტიტუს შორის გაფორმებული ხელშეკრულების ფარგლებში, რომელიც 2 წლის წინ იქნა გაფორმებული, გაწეულია მნიშვნელოვანი სამუშაოები. მისი ნაწილი მისაღები და გამოსადეგია. თუმცა დოკუმენტი ჯერ კიდევ დაუსრულებელია და მთელი რიგი მიმართულებით საფუძვლიანი სამუშაოებია გასაწევი, რათა ამ სახით გენგეგმის მიღებამ მომავალში დამატებითი პრობლემები არ შეუქმნას ჩვენს ქალაქს.

კონტრაქტორ კომპანიას ხელშეკრულების პირობის გათავლისწინებით, რამდენჯერმე ეცნობა ჩვენი პოზიცია, თუმცა სამწუხაროდ გენგეგმის დასკვნითი დოკუმენტი ჯერ კიდევ ვერ აკმაყოფილებს მოთხოვნილ სტანდარტებს

მინდა გაცნობოთ, ხელშეკრულების თანახმად, ჩვენ სწორედ დღეს გვეწურება ვადა , რომ მივიღოთ გადაწყვეტილება მიიღებს თუ არა მერია სითი ინსტიტუტის მიერ შემუშავებულ  გენგეგმას, მის დასკვნით დოკუმენტს.

ვაცნობიერებთ რა გენგეგმის მნიშვნელობას, ჩვენ ვერ მივცემთ საკუთარ თავს უფლებას დავუშვათ შეცდომა, წავიდეთ კომპრომისზე და მივიღოთ არასრულყოფილი დოკუმენტი. ჩვენ ვითავლისწინებთ ფაქტობრივ მოცემულობას და იმ სამუშაოებს რომელიც გასწია კომპანიამ. პირადად ჩვენთვის, გუნდისთვის მნიშვნელოვანია ამ დოკუმენტის მიღება.

კიდევ ერთხელ ვაძლევთ მათ შესაძლებლობას საკუთარი რესურსების გათვალისწინებით დღის ბოლომდე წარმოადგინონ გონივრული ვადა თუ როგორ და რა ვადებში შეძლებენ ამ დოკუმენტის სრულყოფას.

მერია სრულ მზადყოფნას ვაცხადებთ მათთან თანამშრომლობისთვის, რათა იქნეს მიღებული გენგეგმა",- განაცხადა კალაძემ.

ვლადიმერ ჯანჯღავას მიერ "ბადაგონში" ჩადებული 20 მილიონიანი ინვესტიციის ამბავი - დოკუმენტები და მტკიცებულებები...

ვლადიმერ ჯანჯღავას მიერ "ბადაგონში" ჩადებული 20 მილიონიანი ინვესტიციის ამბავი - დოკუმენტები და მტკიცებულებები...

13 აპრილი, 2018

"ბადაგონის" საქმეს კვლავ ფინანსთა სამინისტროს საგამოძიებო სამსახური სწავლობს. ამასობაში მოდავე მხარეები საკუთარი სიმართლის დამტკიცებას ცდილობენ. ბადაგონის ერთადერთი ინვესტორი ვლადიმერ ჯანჯღავა დოკუმენტებს აქვეყნებს, როლის...

ახალი სტატიები
პოპულარული სტატიები