ბუკია: საკონსტიტუციოს უგუნური გადაწყვეტილებით, მარიხუანას მომხმარებელთა რაოდენობა 10-ჯერ გაიზარდა

ბუკია: საკონსტიტუციოს უგუნური გადაწყვეტილებით, მარიხუანას მომხმარებელთა რაოდენობა 10-ჯერ გაიზარდა
12 / 01 / 2018 18:17

საპარლამენტო ფრაქცია "ქართული ოცნება - კონსერვატორების" თავმჯდომარე, გიგა ბუკია, პარლამენტის ჯანდაცვის კომიტეტის მსუბუქი ნარკოტიკების დეკრიმინალიზაციის ინიციატივას მხარს არ უჭერს და "აიპრესთან" აცხადებს, რომ 2017 წლის 30 ნოემბერს საქართველოს საკონსტიტუციო სასამართლომ მარიხუანას მოხმარების დეკრიმინალიზაციის უგუნური გადაწყვეტილება მიიღო, რის შემდეგაც საქართველოში მარიხუანას მომხმარებელთა რაოდენობა 10-ჯერ გაიზარდა.

"კანონპროექტი, რომელიც ინიცირებულია პარლამენტში, უმრავლესობის ინიციატივა არ არის. ეს რამდენიმე დეპუტატის ინიციატივაა, აკაკი ზოიძის და კიდევ 4 პარლამენტის წევრის. ეს კანონპროექტი არ იყო შეთანხმებული უმრავლესობასთან.

ვითხოვეთ, ვიდრე ეს კანონპროექტი იქნებოდა ინიცირებული, ჯერ უმრავლესობაში ყოფილიყო გავლილი, მაგრამ მათ გადაწყვიტეს, რომ ღია ფორმატში ჯობდა განხილვა.

უმრავლესობის დიდი ნაწილი ამ კანონპროექტს მხარს არ უჭერს, ვინაიდან საშიში მუხლებია გათვალისწინებული, როგორც ნარკოტიკის მომხმარებელთა, ასევე გამავრცელებელთან მიმართებაში. თუ ეს კანონპროექტი მიიღეს იმ ფორმით, რა ფორმითაც არის ინიცირებული, ქვეყანაში მძიმე ნარკოტიკების გავრცელებისა და მოხმარების სერიოზული ზრდა იქნება. აქედან გამომდინარე, ამ ინიციატივას მხარს არ ვუჭერთ.

ჩვენ ვამბობთ, ვინც ნარკომანია მათთვის ისეთ პირობები შევქმნათ, რომ ნარკოტიკული საშუალება ხელმისაწვდომი არ იყოს. საკონსტიტუციოს უგუნური გადაწყვეტულების შემდეგ მარიხუანას მოხმარება ქვეყანაში 10-ჯერ გაიზარდა.

- საიდან გაქვთ ეს ინფორმაცია?

- საიდან მაქვს და ამ ქვეყნის მოქალაქე ვარ, დავდივარ მოსახლეობასთან. ვხვდები ახალგაზრდებსაც, მათ შორის ნარკომომხმარებლებსაც ვიცნობ და მათ შორის სხვებისგან განსხვავებით ქუჩაში დავდივარ და ვიცი რაც ხდება ქვეყანაში. თქვენც შეგიძლიათ მოიძიოთ ისეთ ადამიანთან, ვისაც ახალგაზრდებთან აქვს ხშირი ურთიერთობა და გეტყვით, რომ დღეს მარიხუანას ხელმისაწდომობა არის ბევრად უფრო მარტივი, ვიდრე ყოფილა ოდესმე. მითუმეტეს, პაპუაშვილის საკონსტიტუციო სასამართლოს გადაწყვეტილების შემდეგ.

არის ჩვეულებრივი გამოკითხვები და სხვადასხვა ორგანიზაციების მიერ ჩატარებული კვლევები, რაც ცალსახად გვიჩვენებს, რომ მარიხუანას მოხმარება გაზრდილია.

თუ კანონპროექტი მძიმე ნარკოტიკზეც იქნება ისეთივე, როგორიც მარიხუანაზეა დეკრიმინალიზებული, სამწუხაროდ შიში მაქვს, რომ მოხმარება იქნება უფრო მასიური ვიდრე არის. არ მგონია, რომ ეს იყოს სწორი მიდგომა".- განაცხადა გიგა ბუკიამ "აიპრესთან".

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება