ზოიძე: სანამ უმრავლესობა არ შეჯერდება, ნარკოტიკებზე კანონპროექტი პლენარულზე არ გავა

ზოიძე: სანამ უმრავლესობა არ შეჯერდება, ნარკოტიკებზე კანონპროექტი პლენარულზე არ გავა

პარლამენტის ჯანდაცვის კომიტეტის თავმჯდომარის აკაკი ზოიძის განცხადებით, სანამ მცირე ოდენობით ნარკოტიკების მოხმარების დეკრიმინალიზაციის შესახებ კანონპროექტზე საპარლამენტი უმრავლესობის პოზიციები არ შეჯერდება, პროექტი პლენარულ სხდომაზე არ გავა.

დღეს აღნიშნული კანონპროექტი მეცნიერებათა აკადემიაში განიხილეს. შეხვედრას კანონპროექტის ინიციატორები და სასულიერო პირებიც ესწრებოდნენ. შეხვედრაზე, ვისაც კანონპროექტთან დაკავშირებით საწინააღმდეგო პოზიცია აქვს, პროექტის განხილვის შეჩერება მოითხოვეს.

"როგორც ხედავთ დიამეტრულად საწინააღმდეგო პოზიციებია. კომიტეტი ჩავატარეთ იმისთვის, რომ გვეთქა, აქამდე რაზე შევჯერდით. დღეს შენიშვნები თუ იყო გამოთქმული, იყო ინიცირებულ ვარიანტზე და არა შეჯერებულ ვარიანტზე, რომელიც კომიტეტზე წარვადგინეთ", - აღნიშნა აკაკი ზოიძემ.

შეგახსენებთ, აღნიშნული კანონპროექტი რამდენიმე კვირის წინ იურიდიულ საკითხთა კომიტეტზე განიხილეს, სადაც მას მხარი პირველი მოსმენით პრინციპების დონეზე დაუჭირეს. 

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

მდინარაძე "ევროპულ საქართველოს": გამოძიების საკითხის დაწყებას ნუ არქმევთ რეკომენდაციას

02 ივლისი, 2018

საგამოძიებო კომისიის სხდომაზე უკვე საათზე მეტია დისკუსია მიმდინარეობს "ევროპული საქართველოს" წინადადებაზე, სადაც ისინი რეკომენდაციის სახით 2018 წლის 1 დეკემბერს ხორავას ქუჩაზე მომხდარი ინციდენტის მონაწილე ერთ-ერთი არასრულწლოვნის, გ.მ-ს...

ახალი სტატიები
პოპულარული სტატიები