დიმიტრი ლორთქიფანიძე: ცდილობენ, საქართველო მაროკოს მსგავსად ნარკოტურიზმის ოაზისად აქციონ

დიმიტრი ლორთქიფანიძე: ცდილობენ, საქართველო მაროკოს მსგავსად ნარკოტურიზმის ოაზისად აქციონ

"დემოკრატიული მოძრაობის" წევრის დიმიტრი ლორთქიფანიძის შეფასებით, ნარკოტიკული საშუალებების მოხმარების დეკრიმინალიზაციის შესახებ კანონპროექტი, რომელიც პარლამენტშია წარმოდგენილი, ნარკოტიკების რეალიზატორებისთვის სასჯელის შემსუბუქებას ითვალისწინებს.

მისი თქმით, ამ კანონპროექტის უკან დგას ძალა, რომელიც ცდილობს, „საქართველო მაროკოს მსგავსად ნარკოტურიზმის ოაზისად აქციოს“.

დიმიტრი ლორთქიფანიძე ითხოვს, რომ პირველ რიგში ნარკორეალიზაციის ყველანაირი შესაძლებლობა შეიზღუდოს.

„ნარკობარიგები, რომლებიც წარმოდგენილი კანონპროექტის მიხედვით თუ კი აქამდე უნდა დასჯილიყვნენ 8-დან 20-მდე ან უვადო თავისუფლების აღკვეთით, დღეს მათი მაქსიმალური სასჯელის ვადა წარმოდგენილი პროექტის მიხედვით არის 3-დან 8 წლამდე. მაშინ როცა არსებობდა უკანონო გასაღება, დღეს არის გავრცელება, გამიჯნულია გავრცელება გასაღებისგან, დამზადება-წარმოებისგან, უამრავი რამ არის ჩადებული ისეთი, რაც ჩვენ გვაფიქრებინებს, რომ ამ ყველაფრის უკან დგას ძალიან სერიოზული ძალა, რომელიც მაქსიმალურად ცდილობს, საქართველო მაროკოს მსგავსად აქციოს ნარკოტურიზმის ოაზისად, იმ დონემდე, რომ აქვე ხდებოდეს წარმოებები, დამზადებები. ამავე დროს, თუ ვინმე ბარიგას დაიჭერენ გასაღებაზე, შესაბამისი პირობის გათვალისწინებით ის დაკვალიფიცირდეს როგორც გავრცელება და არა გასაღება, და შესაბამისად მის მიმართ დადგენილი სასჯელის ვადა კიდევ უფრო შემცირდეს“, - განაცხადა დიმიტრი ლორთქიფანიძემ „კავკასიის“ ეთერში და აქვე ამბობს, რომ „ყველა ნარკოტიკული საშუალების ლეგალიზაცია და დეკრიმინალიზაცია უნდა შეჩრდეს“. 

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები