თეა წულუკიანი კარიბის ზღვის რეგიონის სახელმწიფოთა სამიტზე გაემგზავრა

თეა წულუკიანი კარიბის ზღვის რეგიონის სახელმწიფოთა სამიტზე გაემგზავრა

იუსტიციის მინისტრი სპეციალური მიწვევით ანტიგუა და ბარბუდაში გაემგზავრა. თეა წულუკიანი კარიბის ზღვის რეგიონის მაღალი დონის სამიტში მიიღებს მონაწილეობას.

სამიტზე − „21-ე საუკუნის მმართველობა“ − მინისტრი სიტყვით გამოვა და ქართული რეფორმების შესახებ პრეზენტაციას გამართავს.

მინისტრი სამიტის მონაწილეებს ელექტრონული მმართველობის, საჯარო სერვისებზე ხელმისაწვდომობის, საზოგადოებრივი ცენტრების კონცეფციისა და იუსტიციის სახლების ფუნქციონირების შესახებ გამოცდილებას გაუზიარებს; ისაუბრებს გამჭვირვალე მმართველობის სისტემის ფორმირებისათვის სახელმწიფოში გატარებულ რეფორმებზე, რომლებმაც საქართველოს საერთაშორისო აღიარება მოუტანა და რომელთა შედეგად გასული წლის სექტემბერში „ღია მმართველობის პარტნიორობის“ თავმჯდომარე ქვეყანა გახდა.

ვიზიტის ფარგლებში დაგეგმილია შეხვედრები კარიბის ზღვის რეგიონში მოქმედ საერთაშორისო ორგანიზაციებთან, სამიტის მონაწილე ქვეყნების დელეგაციებთან.

ანტიგუა და ბარბუდაში იუსტიციის მინისტრის ვიზიტი 19 იანვარს სრულდება.

ამის შესახებ ინფორმაციას იუსტიციის სამინისტრო ავრცელებს.
 

ვეს მიტჩელი: საქართველო-აშშ-ის ურთიერთობები ხარისხობრივად ახალ ეტაპზე გადავიდა

ვეს მიტჩელი: საქართველო-აშშ-ის ურთიერთობები ხარისხობრივად ახალ ეტაპზე გადავიდა

21 მაისი, 2018

საქართველო-აშშ-ის ურთიერთობები ხარისხობრივად ახალ ეტაპზე გადავიდა და კიდევ უფრო მრავალმრივი გახდა, - ამის შესახებ საქართველოს პრემიერ-მინისტრ გიორგი კვირიკაშვილისა და ევროპისა და ევრაზიის საკითხებში აშშ-ის სახელმწიფო მდივნის თანაშემწის...

ახალი სტატიები