სერგი კაპანაძე მუხთარლის საქმეზე: გაჩუმებით და არაფრის კეთებით ეს საქმე არ მოგვარდება

სერგი კაპანაძე მუხთარლის საქმეზე: გაჩუმებით და არაფრის კეთებით ეს საქმე არ მოგვარდება

"საერთაშორისო ზიანი, რომელიც საქართველომ მიიღო მუხტარლის საქმიდან გამომდინარე უფრო ღრმავდება", - ასე ეხმაურება "ევროპული საქართველოს" წევრი სერგი კაპანაძე აფგან მუხტარლის საქმეს.

"ჩვენ ვნახეთ განცხადებები, რომელიც ჩვენმა სტრატეგიულმა პარტნიორებმა ევროკავშირმა და აშშ-მ გააკეთეს. აქედან სწორი გამოსავალი ახლა არის ის, რასაც "ევროპული საქართველო" ბოლო თვეებია მთავრობას სთავაზობს - საგამოძიებო კომისიის შექმნა პარლამენტის შიგნით, გამჭვირვალე გამოძიების წარმოება, რომელსაც ექნება ყველანაირი ლეგიტიმაცია რომ დადოს სწორი დასკვნები და რა თქმა უნდა ამის შედეგი უნდა იყოს კონკრეტული პიროვნებების პოლიტიკური პასუხისმგებლობის საკითხის დაყენება. ეს არის ერთადერთი სწორი გამოსავალი. მთავრობის დამოკიდებულება, რომ მიჩქმალოს ეს თემა თითქოს არაფერი მომხდარა იქნება უეფექტო. ეს არის ძალიან რეზონანსული საქმე. გაჩუმებით და არაფრის კეთებით ეს საქმე არ მოგვარდება", - განაცხადა სერგი კაპანაძემ.

ცნობისთვის, ბელაქნის სასამართლომ თბილისიდან გაუჩინარებულ აფგან მუხთარლის 6 წლით პატიმრობა მიუსაჯა. აზერბაიჯანის პროკურატურა ჟურნალისტისთვის 8 წლით თავისუფლების აღკვეთას ითხოვდა. გამოძიება მას საზღვრის უკანონო კვეთას, კონტრაბანდას და მესაზღვრეების დაუმორჩილებლობას ედავება.

აფგან მუხთარლი 2017 წლის 29 მაისს ბელაქნის რაიონის ტერიტორიაზე დააკავეს. ცნობისთვის, ჟურნალისტი და მისი მეუღლე, ლეილა მუსტაფაევა აცხადებენ, რომ ის თბილისიდან სპეცსამსახურებმა გაიტაცეს.

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

შალვა შავგულიძე, შალვა თადუმაძე, ნინო გოგნიაშვილი - მთავარი პროკურორობის სამი კანდიდატი

06 ივლისი, 2018

იუსტიციის მინისტრის მოვალეობის შემსრულებელმა მიხეილ სარჯველაძემ საპროკურორო საბჭოს მთავარი პროკურორობის კანდიდატები წარუდგინა. 4 ივლისს ამოიწურა ვადა, როცა კანონით განსაზღვრულ პირებს შეეძლოთ კანდიდატების წარდგენა. შედეგად გამოვლენილი...

ახალი სტატიები
პოპულარული სტატიები