თბილისის მერი მსოფლიო ბანკის ვიცე-პრეზიდენტს შეხვდა

თბილისის მერი მსოფლიო ბანკის ვიცე-პრეზიდენტს შეხვდა
23 / 01 / 2018 15:07

დედაქალაქის მერი კახა კალაძე მსოფლიო ბანკის ვიცე-პრეზიდენტ ჰარტვიგ შეიფერსა და ბანკის სხვა წარმომადგენლებს შეხვდა. შეხვედრაზე ორმხრივი თანამშრომლობის ძირითადი მიმართულებები განიხილეს და თბილისში, მომდევნო ოთხი წლის განმავლობაში დაგეგმილ მნიშვნელოვან პროექტებზე იმსჯელეს.

მხარეებს შორის საუბარი ასევე, თბილისის მიწათსარგებლობის გენერალური გეგმის საბოლოო ვარიანტის შეფასების პროცესში საერთაშორისო ექსპერტების ჩართვის საკითხს შეეხო, რისთვისაც კახა კალაძემ მსოფლიო ბანკს მადლობა გადაუხადა.

„შეხვედრაზე მსოფლიო ბანკის ვიცე-პრეზიდენტს ჩვენი პროექტები და ხედვები გავაცანით, თუ რის გაკეთებას ვაპირებთ მომდევნო ოთხი წლის განმავლობაში. მათ მთელი რიგი მიმართულებებით მხარდაჭერა გამოხატეს. მსოფლიო ბანკის წარმომადგენლებს მადლობა გადავუხადე იმისთვის, რომ გამოყვეს ექსპერტები, რომლებიც მიწათსარგებლობის გენერალური გეგმის დოკუმენტის შეფასებაში დაგვეხმარებიან. შესაბამისად, დარწმუნებული ვარ, რომ მიწათსარგებლობის გენერალური გეგმა სრულყოფილი დოკუმენტი იქნება, როგორც ეს ევროპის განვითარებულ ქვეყნებშია“, - განაცხადა კახა კალაძემ.

დელეგაციის წევრებმა შეხვედრაზე აღნიშნეს, რომ მსოფლიო ბანკი თბილისის მერიასთან თანამშრომლობას მომავალშიც განაგრძობს, როგორც მიწათსარგებლობის გენერალური გეგმის შემუშავების კუთხით, ასევე, ქალაქის სოციალური და ეკონომიკური განვითარების თვალსაზრისით.

„თბილისის მერთან შეხვედრაზე კიდევ ერთხელ დავადასტურეთ ის თანამშრომლობა, რომელიც თბილისის მერიასა და მსოფლიო ბანკს შორის სამომავლოდ გაგრძელდება. ეს თანამშრომლობა ძირითადად, გენერალური გეგმის განვითარებას შეეხება. ასევე, თბილისის ისეთ ცენტრად ქცევას, რომელიც ეკონომიკური თვალსაზრისით მაღალგანვითარებული იქნება და ქვეყანაში მეტ ტურისტს მოიზიდავს“, - განაცხადა მსოფლიო ბანკის ვიცე-პრეზიდენტმა.

თბილისის მერიაში გამართულ შეხვედრას დედაქალაქის მერის მოადგილე ილია ელოშვილი, მსოფლიო ბანკის რეგიონული დირექტორი მერსი ტემბონი, მდგრადი განვითარების პროგრამის ხელმძღვანელი სარა მაიკლი და დელეგაციის სხვა წევრები ესწრებოდნენ.

ამის შესახებ ინფორმაციას თბილისის მერია ავრცელებს.

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება