კალაძე: მეტროსადგურ "ვარკეთილის" და "ახმეტელის" შესწავლა მოხდება, რათა საფრთხე ავიცილოთ

კალაძე: მეტროსადგურ "ვარკეთილის" და "ახმეტელის" შესწავლა მოხდება, რათა საფრთხე ავიცილოთ
31 / 01 / 2018 10:30

თბილისის მერი კახა კალაძე ლევან სამხარაულის სახელობის ექსპერტიზის ეროვნული ბიუროს წარმომადგენლებთან ერთად, მეტროსადგურ „ახმეტელის თეატრში“ იმყოფებოდა.

როგორც დედაქალაქის მერმა აღნიშნა, მომდევნო დღეებში მეტროსადგურებში არსებული უსაფრთხოების ნორმების შესწავლა მოხდება.

რაც შეეხება კომპანია „ყვარელრემმშენს“, რომელმაც მეტროსადგურ „ვარკეთილის“ სარეაბილიტაციო სამუშაოები შეასრულა, კახა კალაძის განცხადებით, სამუშაოები არაჯეროვნად არის შესრულებული, მომხდარი ფაქტის დეტალებს კი, გამოძიება დაადგენს.

„მომდევნო დღეების განმავლობაში, როგორც ამ კონკრეტული მეტროსადგურის, ასევე, მეტროსადგურ „ვარკეთილის“ შესწავლა მოხდება, რათა ყველანაირი საფრთხე თავიდან ავიცილოთ. ჩვენ დაგეგმილი გვაქვს მეტროსადგურების განახლება, რაც ჩვენი ერთ-ერთი პრიორიტეტია. აღნიშნულ პროცესში სამშენებლო უსაფრთხოების დაცვას ძალიან დიდი ყურადღება დაეთმობა“, - განაცხადა კახა კალაძემ.

მისი თქმით, სამშენებლო უსაფრთხოების ნორმების დარღვევასთან დაკავშირებით, კონკრეტული პირების ბრალეულობის საკითხი გამოძიების დასრულების შემდეგ გამოიკვეთა.

„ყველა დამნაშავე აგებს პასუხს, დაველოდოთ გამოძიების დასრულებას. რაც შეეხება იმ კომპანიას, რომელმაც მეტროსადგურ „ვარკეთილის“ რეაბილიტაცია ჩაატარა, ტენდერის დროს „შავ სიაში“ არ იმყოფებოდა. წინააღმდეგ შემთხვევაში, ავტომატურად დაიბლოკებოდა და სისტემა ამის საშუალებას არ მისცემდა. კომპანია „შავ სიაში“ 2015 წელს იყო, თუმცა ერთწლიანი დისკვალიფიკაცია 2016 წელს დაუმთავრდა“, - აღნიშნა თბილისის მერმა.

მეტროსადგურ „ახმეტელის თეატრში“ დედაქალაქის მერთან ერთად, თბილისის სატრანსპორტო კომპანიის ხელმძღვანელი მამუკა კობახიძეც იმყოფებოდა, რომლის განცხადებითაც, მეტროსადგური „ვარკეთილი“ მუშაობას ხვალ, 06:00 საათიდან განაახლებს.

„ჩამოშლილი კონსტრუქცია მეტროსადგურიდან უკვე გატანილია. მიმდინარეობს გაწმენდითი სამუშაოები. განათება აღდგენილია და ვფიქრობთ, რომ აღნიშნული მეტროსადგური დილით, 06:00 საათიდან დაიწყებს მუშაობას. ექსპერტ-კრიმინალისტები მუშაობენ და საპროექტო სამუშაოების დროს იყო დაშვებული შეცდომა, თუ სამშენებლო სამუშაოების დროს მშენებლის მიერ, ამას ექსპერტიზა დაადგენს“, - განაცხადა მამუკა კობახიძემ. 

Get Adobe Flash player

მსგავსი სტატიები

პოპულარული სტატიები

    პედაგოგი: არანაირი მოტივაცია აღარ გამაჩნია

პედაგოგი: არანაირი მოტივაცია აღარ გამაჩნია

    ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

ალექსანდრე ჯეჯელავა: სკოლებში ახალი ელექტრონული და ბეჭდური წიგნები შემოვა

    თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

თავდაცვის სამინისტრო: აკა სინჯიკაშვილის მიერ გავრცელებული ინფორმაცია სიმართლეს არ შეესაბამება!

    ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

ავტომობილით 3 წლამდე ბავშვის სამგზავრო სავარძლით გადაყვანა, შესაძლოა, სავალდებულო გახდეს

    2016-2017 სასწავლო წლის სკოლის გამოსაშვები გამოცდების პროგრამები დამტკიცდა

2016-2017 სასწავლო წლის სკოლის გამოსაშვები გამოცდების პროგრამები დამტკიცდა

    ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

ჯეჯელავა: საზეპიროებზე რომ ვთქვი,ხალხს მაინცდამაინც გალაკტიონი და ვეფხისტყაოსანი გაახსენდა

    მარიამ ჯაში: ხელფასი დაახლოებით 20 000 პედაგოგს მოემატება

მარიამ ჯაში: ხელფასი დაახლოებით 20 000 პედაგოგს მოემატება